NG Music 嘩鬼同你唱,藝人小朋友打成一片

ng_ (2)

早前NG Music 創辦人-吳天偉Jason Sir帶領一眾藝人學生與小朋友學生在萬聖節當天搞搞新意思,扮鬼扮馬,實行嘩鬼同你唱!
ng_ (1)

藝人布偉傑-一哥畫上萬聖節造型,在台上自彈自唱,而當中最年輕的表演者就是新晉小歌手組合 -Hermia & Charmaine ,她們分別只有7歲及9歲,但在台上又唱又跳Price Tag,絕不怯埸,再加上新晉之9歲小歌手,童星之一嘅Yumi Chung在台上之深情獻唱,相信已感染到全場觀眾,令現場氣氛升温!
ng_ (3)

一哥話今次萬聖節之演出,非常好玩,可以與小朋友們打成一片,自己感覺到非常有活力,好似年輕返哂!而Jason Sir 亦有同感,而且看到小朋友學生們在短短的1個月內,大有進步,開始時由怕醜緊張,經過一番努力練習及良好溝通,慢慢改善了咬字,唱功,演繹等,實在感到高興!
ng_ (4)

最近NG Music 亦加入了年紀最小嘅學生學唱歌,他只是一位3歲嘅小朋友,由Jason Sir 嘅愛徒-藝人麥皓兒Joey所教授,之前已推出了兩首兒歌《請你食麵》及《食甜品》嘅Joey話教小朋友係需要耐性及愛心,小朋友透過輕鬆愉快,加入小朋友喜歡嘅元素,在冇壓力嘅過程下學習,自然會感受到音樂及歌唱嘅樂趣與吸引力!

吳天偉Jason Sir 認為音樂是無分界限,所有年齡層嘅人都可喜歡音樂,用歌聲抒發及感染大眾,當看見學生們不斷進步,與他們建立深厚情感,甚至把他們培育成為歌唱導師,將音樂傳至每一個角落,就是他做人做事的原動力!《NG Music 啟發歌唱新思維,承傳教學精神,同創音樂夢想!》

#布偉傑# #麥皓兒#

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。