何俊軒力撐乳癌關注活動 一屋女人學會更關心家人

CTI_Photo (01)

日前藝人何俊軒 (CTI) 與雷晴雯 (Winnie)、丁樂鍶(丁丁) 與李佳芯 (Ali)、康華等現身銅鑼灣參與由Medic Glow醫學美容中心響應乳癌關注月所舉辦的「粉紅派對」慈善活動。當日 CTI 何俊軒係唯一一位男嘉賓,對此他表示十分榮幸:「我屋企十兄弟姊妹,阿媽家姐阿嫂加加埋埋根本成屋都係女人,所以乳癌對我嚟講都係一個非常需要關注嘅健康問題。我作為男人就更加要關心佢哋嘅健康,仲要提醒佢哋做定期檢查,愛錫家人唔係只係用把口去講咁簡單,仲要切身處地為佢咃考量先得。」CTI 更笑言因為這次活動被 Winnie 迫他上網做足功課,佢先知道原來乳癌並非女性專利,男士亦有患上乳癌嘅機會,雖然機率較低,但因為男性對乳癌缺乏警覺性,到確診時往往已經擴散甚至末期,存活率比女性低得多。

CTI_Photo (02)
因為知道這次活動有關於乳癌常識的答問環節,CTI 笑言因此被 Winnie 迫著他上網查資料做足功課。

問 CTI 對參與這次活動有何感受,他坦言說:「今次係我第一次參與呢類型嘅慈善活動,亦因為今次活動先會咁認真上網查資料。以前真係唔知原來男女患乳癌嘅高危因素原來都差不多,所以今次有幸獲邀出席絕對係獲益良多!」

CTI_Photo (03)
Winnie這些年一直都是 CTI 的經理人兼形象顧問,當天 CTI 的一身型仔Shocking Pink Look令本來已經「高人一等」的他頓時搶晒鏡。

Winnie 雷晴雯這些年一直都是 CTI 的經理人兼形象顧問,當天他的一身型仔Shocking Pink Look 也是由 Winnie 及其設計師好友 Eddie 親手打造,這新嘗試無疑實在令人眼前一亮,令本來已經「高人一等」的 CTI Sharp醒到搶晒鏡。在訪問的短短過程中,CTI 不斷被其他嘉賓及工作人員拉著合照,直呼要集「地支先生」的郵,場面煞是有趣。

CTI_Photo (04)
活動當日,無論在答問環節或頒贈紀念品儀式,CTI 都被佐以「地支先生」之名,雖然有點搞笑,卻代表著觀眾的認同,令他笑逐顏開,感覺窩心。

CTI 亦坦言從未想過這個在《城寨英雄》中戲份不多的角色竟然會在觀眾心裡留下那麼大的迴響:「觀眾嘅反應永遠係最直接,就好似剛才一行入嚟已經聽見有人嗌我『地支先生』,嗰刻其實真係好開心同好感動,代表住大家對我演出嘅實力與認同,作為一個演員,無嘢開心得過演技能夠被觀眾肯定。我真係好多謝監製文偉鴻俾咗呢次咁好嘅機會我,呢個角色其實真係幾有挑戰性,尤其同袁偉豪對打嗰場,雖然都受咗少少傷,但一切都係值得!」

CTI_Photo (05)
CTI 最近又在趕拍《城寨英雄》的現代版《同盟》,對於監製文偉鴻不斷給予自己機會,他表示衷心感激:「年紀越大就越珍惜每一次嘅機會,希望將來可以嘗試更多唔同類型同埋以前未演過嘅角色,挑戰越大,就越可以令自己嘅演技更上一層樓!」一直都知道 CTI 係一位敬業樂業嘅好演員,小記睇好你!

CTI_Photo (06)

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。