思晴-「你準備好做小精靈訓練員未?」

「你準備好做小精靈訓練員未?」

今日7月25日「Pokemon Go」終於正式喺香港發行,從1995年開始任天堂已經推出game boys 比所有人感受做訓練員嘅滋味,但好可惜當時嘅科技只能夠比到你「自high」感覺,所以人物都係虛構出黎,有隻金手指乜都搞得掂。但今時今日嘅科技,已經可以改變局面。

「Pokemon Go」絕對打低晒所有曾經好hit嘅game(angry bird, candy crush, PND)。依家唔單止有得實境捉小精靈,隨時身邊就係敵人可以即時對戰!行出街你只要見到有人拎住部電話舉高然後用手指向上推就知佢係玩緊Pokemon。

好多人為左隻game就即時衝出街上到處捕捉小精靈,開始嘅第一日,Facebook及Instagram 都不斷有訓練員share自己捉到嘅精靈,就算捉到精靈都要花心思去將佢進化。雖然因為咁香港少左好多宅男宅女,但到底係咪真係一件好事呢?

有個定律每樣野都有人喜有人厭,影響力大嘅極端就更為明顯,亦有人會認為係瘋狂。正當你好開心捉緊比卡超嘅時候,有無諗過後面其實好多人比你突然停低擋住左?實境捉緊嘅時候,向住其他人人地點知你係咪影緊佢?怨氣就係咁累積出黎。 如果你識得適可而止,懂得體諒身邊人嘅感受,時刻留意身邊危機意識,同袋好幾個奶媽(充電器)的話,你先叫準備好做寵物小精靈訓練員。

13639917_842868512511784_942923810_o 13838385_842868509178451_42581522_o

Jessie Au

大家好!我叫區思晴(Jessie),是一名90後女生,喜歡幕前演出的工作。 我做人的宗旨是「珍惜每一刻」,因為很多事情是估算不到,所以要珍惜與身邊人一起的時光。 Fans Page: https://www.facebook.com/auszeching2015/