雷晴雯出席醫學美容中心開幕如入寶山 寫作人上身打爛沙盤問到篤寫足25年

Media_Glow_Opening_1較早前藝人雷晴雯 Winnie (前名雷穎怡)、朱盈盈 Zenia、梁嘉琪、林雅詩 Grace,與及十數位女藝人齊齊於銅鑼灣出席 Medic Glow 醫學美容中心的開幕活動,場面極為墟冚。

Media_Glow_Opening_5

小記發現 Winnie 竟然自己一個閃埋一邊,自顧自地站在醫學美容中心的醫美產品陳列櫃前逐件拿在手中反覆研究,每一盒都拿在手上仔細研究及拍照,簡直驗屍咁驗。未幾就於 Winnie 的粉絲專頁中發現上載了一段開幕典禮的短片,片中 Winnie 透露她寫美容專欄已經寫咗25年。打俾 Winnie 求證,她不諱言15歲已經開始幫人做代筆寫專欄,寫到宜家都真係可以話乜都寫過晒:「剛剛開始寫嘅頭幾年,其實都只需要寫啲好簡單、好普通嘅日常護膚資訊同美容扮靚小貼士,但美容科技日漸發達同先進,人對『靚』嘅定義同標準開始變得越嚟越高同越嚟越有要求,想繼續寫落去唯有不斷咁增值自己,當初就係為咗可以寫得更深入先走去讀Beauty Diploma,宜家寫醫學美容就更唔可以輕率,真係要睇好多專業範疇嘅書同醫學報告,連唔同地方嘅醫療保障法例都要讀埋,絕對唔可以亂咁寫。」

Media_Glow_Opening_6

Winnie 表示其專欄當中涉及大量與醫美產品有關的知識與問題,難得可以一次過與不同的醫美品牌及其旗下產品可以有如此近距離接觸,簡直如入寶山豈可空手而回,當然要把握機會打爛沙盤問到篤,難怪當日Winnie同醫學美容中心嘅負責人及註診醫生係咁雞啄唔斷。

Media_Glow_Opening_3

問 Winnie 既已為編輯點解甘心一直幫人做代筆唔自己出書,她坦言出書是非常講機緣:「出書真係好講機緣,睇上帝點安排啦。其實都好多人問過我點解唔介意幫人做代筆,喺我自己角度,代筆,可以話係幫其他人實現佢地寫作嘅夢想,都係一件美事。而且都要人哋信得過我有咁嘅能力先會搵我去寫,用唔用自己名其實唔重要,我自己知道自己寫過啲乜咪得囉!」

Media_Glow_Opening_4

小記聽完真係心諗:吓?咁特別?難怪好多人都話專業寫作人都會啲奇怪到令人費解兼摸不著頭腦嘅藝術家脾氣,相信 Winnie 都一定係其中一員!

Media_Glow_Opening_2

林雅詩 Grace、雷晴雯 Winnie

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。