《忍不住的眼淚》演員33度高溫派糭俾露宿者

端午節快到，日前在33席高溫下，男臣BB帶同一班《忍不住的眼淚》參演藝人參與慈善活動派糭俾露宿者，出席藝人有：女主角程芷渝、男主角男臣BB、曲赤、黃芊瑜、秦芷瑤、艾美琦、梁悦晴、林耀坤、黃雅詩、許安婷、September 、馬龍 、李豐盛牧師、執行導演何浩峰等。

Milla透露《忍不住的眼淚》反應熱烈，導演男臣BB打算為福音電影整加長版本，將會加入艾美琦和曲赤被人打嘅故事，而Milla公司巨門娛樂仲會全力支持《忍不住的眼淚》福音電影。

曲赤早前被30個人追打，傷勢仲未完全好番都出席派糭活動，佢好感恩可以俾佢做一啲對社會有意義嘅事，透過派糭比一班露宿者，見到好多社區弱勢社群好需要我哋幫助，好多婆婆和老人家收到我哋親手整嘅糭，佢哋好開心好有秩序排隊，感謝男臣BB一直以來係我身邊，佢付出嘅愛能夠感染到我地一班藝人做善事，我覺得好犀利，能夠參與《忍不住的眼淚》褔音電影所有嘅活動覺得好榮幸，希望多啲人支持我哋既電影啦。

艾美琦都有出席今次嘅活動，早前艾美琦出席深水埗派飯活動，出錢又出力但比人話，佢有點唔開心，艾美琦話現今社會網絡宣傳係好大，所以必須透過網絡平台用生命感染生命嘅態度感染多啲人關注社區弱勢社群，佢覺得做對的事不需要回應鍵盤戰士，嚟緊佢透露《忍不住的眼淚》導演男臣BB會加戲份比佢。艾美琦留意左男臣BB一段時間，佢覺得真係好犀利，令到一班藝人一齊參與福音電影，所以艾美琦無論如何都會繼續支持男臣BB。

執行導演何浩峰出錢又出力，當日俾咗一個驚喜大家，送出即食燕窩慰勞大家，一班藝人好開心即時打開食，原來何浩峰做燕窩網上生意，佢話見到一班藝人咁努力參與佢都應該出一分力，同時感謝男臣BB信任他搵佢做執行導演。