莊思敏遭借名呃護膚品 望客戶小心提防

曝光率甚高的莊思敏(Jacquelin)不時出席公開活動及經常獲客戶送贈各類產品，不過昨日她卻在facebook公開表示遇上騙子，借其名義呃美容護膚品，她在fb寫道：「‎騙徒嘅手法，有客戶告訴我有位自稱我公司同事向他索取產品，說是我要試用一下。我重申，我沒有這位姓胡的公司同事，不要以我名義攞著數。如果你懷疑被騙了請inbox我，我要找他出來。」

事緣前晚有美客產品客戶向Jacquelin查詢，問及是否有胡姓同事以莊思敏名義索取護膚品試用，但Jacquelin查核後，發現公司未有此人，所以相信有人借她名義搵笨，Jacquelin說：「個客有打俾我confirm，但我問咗公司同事係冇呢件事，冇姓胡呢個人，所以我擔心有人混水摸魚，攞咗我哋個名去拎產品試用或者攞著數，希望啲客戶如果收到不知名來電索取任何產品嘅話，其實可以喺我嘅網上公眾平台親毛問我，咁就唔使有不必要嘅誤會同麻煩。呢啲事我以往未試過發生，希望客戶小心為上。」