[Stars Girl] 才女柔雅晴Kavi

Kavi_ (5)Kavi 柔雅晴,前女子組合 B.Gs 成員,曾任網台主持及多個廣告(如:759 阿信屋、香港迪士尼樂園等) 首席女主角。現已獨立發展同時兼任幕後工作,今年更成為電影《施壓者》特別介紹之主要演員之一,將於本年度中旬推出首本個人散文集,踏上才女之路。

攝影:Tommy Tang
MUA: 妙美子

不靠演藝為生 卻為演藝而活

印象中的 Kavi 很活潑很健談,但待訪時卻發覺她份外安靜,幾乎不說話,唯一與腦海中相乎的是她看起來總帶著笑容。當問到為何退出 B.Gs ,Kavi 淡淡回應 :「 我不適合當歌手 。」 她顯然對此問題有點迴避,為什麼?我試著追問。她說「香港好有趣,渴求新人卻不接納新人,沒部署下要當歌手,談可容易。表演者需要有觀眾拍掌,更需要有人幫佢地安排處理表演以外嘅事。我從來無將演藝工作當成職業,但佢地有。其實有時我都會矛盾,但佢地比我更需要機會。希望佢地將來記得我就好。同埋做幕後可以唔洗再日日練習十幾個鐘,其實都幾好吖。」此刻她笑了。

Kavi_ (7)

Kavi_ (16)

幕前工作 = 甜品

最近你有部電影上畫,大家都讚你演技好 ,監制同老闆都點名讚你,又見你開始活躍電影宣傳 ,係咪準備復出 ?「 一日幕前,終身幕前。尼一行係永遠洗不掉過去的,到而家我一年無做野,大家見到我仲會提我嘅節目、我嘅歌、我嘅廣告。幕前工作係我嘅興趣班,我嘅甜品,開心先會做嘅事。

Kavi_ (18)

大家喜歡我嘅演出我好開心,但活躍電影宣傳只係因為我有責任,無諗過復唔復出,一切順其自然,不過見返好多圈內朋友好開心。」

Kavi_ (9)

改行做才女

你今年會出書,係咪改行才女路缐?「才女唔敢當,不過我喜歡文字,我感情好豐富,希望可以透過文字去舒發一下情感。同樣地寫文章係興趣,唔想成為職業,因為當成為職業之後就唔想寫都要寫。」

Kavi_ (10)

最睇好的藝人

「 緊係 B.Gs 啦 !佢地發展前景真係好好 。我睇到嘅係幾年後嘅佢地。佢地至今出道八個月 ,已經派左三首歌,拎左三個獎,年中頒獎典禮佢地又係大熱。 今年仲會出碟,四月電視劇開鏡,六月又有電影開拍。我好有信心未來兩年內佢地已經有機會擔任電影女主角。我唔敢講佢地會係最受歡迎嘅女子組合,但佢地嘅成就絕對非凡 。」

Kavi_ (13)

後記 :
Kavi 再三強調幕前工作只是興趣,繼續做好公司,讓 B.Gs 順利出碟,電影電視劇順利進行 ,公司藝人質素提高,業務不斷增加是她的責任。對她來說,問心無愧充實快樂地過好每一天才是最重要。

浩楠

Stars-hk 創辦人, 希望建立一個只談專業, 不談八卦的娛樂資訊網站。