胡杏兒今日結婚:緊張又興奮

Myolie_ (14)

今日(28日) 是胡杏兒和男友Philip Lee的大婚日子,一對準新人會在港進行簽紙註冊儀式,晚上則假香港麗思卡爾頓酒店擺酒,與至愛親友一同分享這人生重要時刻。

圖片提供:Cosmo Bride China

Myolie_ (9)
連日來新娘子為籌備婚事忙個不停,事事親力親為,杏兒笑說:「之前我都發咗微博,講笑話結婚真係一次就夠,因為真係好忙同好多嘢搞。結婚係一生人最大嘅一件事,心情係既緊張又興奮,不過我都冇失眠,亦冇減肥,反而要食多啲,我覺得塊臉太瘦,想食番脹啲。」明日出嫁做李太,對於李太這個稱號,杏兒坦言未慣,「都要少少時間適應。以前自由慣,去邊唔需要同第二個解釋交代,而家就要學習去適應呢個身份。」

Myolie_ (4)

事實上杏兒和Philip向來重視家庭生活,所以她希望將來家庭事業兩者兼顧,「結咗婚之後工作都要做,我係工作狂,都要俾心機,同埋自己啱啱轉新公司,唔可以太放鬆,想事業更上一層樓。」杏兒婚後固然會繼續拍戲,同時亦已計劃擴充其KEVOLIE婚紗店業務,之前她在比利時穿着自家品牌特別訂造的「The blessing collection」系列八套靚婚紗做生招牌,加上胡定欣早前着上KEVOLIE的視后裙大獲好評,令生意愈來愈好,所以杏兒已打算將婚紗業發展到內地,她說:「我哋係計劃緊,希望可以喺上海或者北京開分店,我喺呢門生意上都一路學習緊,自己愈做愈有興趣,希望可以做得更好,而家我嘅partner都開始做緊planning同物色地方。」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。