莊思敏澳門排位賽炒車

莊思敏明日會在澳門參加明星蓮花挑戰賽，與周秀娜、苟芸慧、余文樂、劉浩龍和方力申等爭奪冠軍車神寶座。不過今早Jacquelin於澳門進行排位賽時卻不慎炒車，好彩車毀人未傷，她亦已在微博向大家報平安。

今早Jacquelin駕駛8號車進行排位賽，中途突然失控撞欄，撞到成個車頭散晒，Jacquelin事後說：「撞車係自己衰，因為俾師兄(劉浩龍)追住就心急，就想遲啲收油，點知遲咗收油入彎就失控，所以撞咗埋牆，好似波子機咁撞幾吓，搞到塞住晒後面啲車。」

雖然炒車，但Jacquelin又不致於太驚恐，「又唔係好驚，自己衰遲收油啫，好彩師兄冇撞埋嚟。ok啦，個人冇事，希望聽日成績好啲，因為而家明星賽排緊第三位，而家架車整緊，如無意外冇乜大問題，架車係整得到，可以如期出賽。」