楊淇銀幕第一次獻給任賢齊慘遭全刪

5

人氣女藝人楊淇(Kate)到茜利妹主持的電台節目《風流快活人》受訪,原來二人已相識了12年,茜利妹爆料:「早三五七年逢週末落銅鑼灣啲酒吧,實『執』到楊淇囉!佢打『凳』嘅!」又爆Kate是「拍拖精」早年曾與台灣男藝人拍拖:「所以當年國語講得咁地道囉!」楊淇即時臉紅,同時自爆:「我兩年冇拍拖啦!我進化緊,變成事業型,今年聖誕節有拖拍㗎喇!我吸緊新戀情呀!呵呵~~」

2

訪問也有深情對話,說到08年媽媽過身、又失戀,事業又停滯不前,她謂:「當時好傷心好迷失,跟林奕華導演同張姐(張艾嘉)巡迴演出咗80幾場《華麗上班族》舞台劇,借演出麻醉自己,但演出完畢,成個人好似斷線風箏咁,Lost晒!」於是隻身飛到台灣避世,當時有想過退出娛樂圈,幸好得亦師亦友的著名舞台劇演員梁祖堯及麥曦茵導演不離不棄:「係佢地『撈』番我,我當時勁唔想見人,勁灰!佢地時時搵我,同我傾偈。」茜利妹:「梁祖堯前世應該係你條仔,勁對唔住你;麥曦茵就前世係你個女,勁不孝,兩個今世都要還囉!」Kate笑謂:「可能係!」

3

Kate較早時拍了台灣電影《5月一号》,乃台灣著名MV導演周格泰首次執導劇情長片,她把銀幕第一次Love Scene獻給男主角任賢齊:「其實我入行13年,從未拍過Love Scene,超緊張!呢場唔係『浪漫類』Love Scene,場戲講小齊飲咗酒,粗爆咁撕開我啲衫,仲要掟我落床,拍完我雙手真係瘀晒!好在對手係小齊,佢真係一個好男人好演員!令我呢個『生手』定神,絕對帶到戲,真係要多謝佢!」因導演拍攝時講明「冇尺度」,所以楊淇今次乃入行以來最搏一次:「算係全裸,只喺三點黐好少好少膠紙!仲要全場9成係男人,冇得清場!」

4

但電影上畫版本,整場床戲全刪,導演表示因前後(場口)情緒不太搭,只好忍痛剪掉。楊淇反而有小小開心:「我仲係銀幕(Love Scene)處女呀!Yeah!」茜利妹:「咪開心得咁早!因住網上流出呀!」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。