王宗堯執導 為陳詩慧拍《i’ll be there》MV

OLYMPUS DIGITAL CAMERA

王宗堯(Greg)自從開設製作室後計劃多多,雖然之前他曾為Mr.的mv提供意見,但未算是一個真正的工作項目,近日Greg正式開齋首次執導,助同公司的唱作歌手兼老友陳詩慧(Eva)的作品《i’ll be there》中文版《東角駅》出任mv導演。

OLYMPUS DIGITAL CAMERA

昨日Greg和Eva在銅鑼灣開工拍mv,兩人各自擸了一件架生:Greg揸機、Eva孭結他,齊齊由天光拍到天黑,又由維園草地拍到去東角駅,所以他們連食飯都是買外賣在街頭開餐,Greg更全程機不離身,貼住Eva行到邊影到邊。

OLYMPUS DIGITAL CAMERA

昨午Eva在維園拍攝時遇老外jam歌,到晚上她移師東角駅自彈自唱拍攝期間,有名阿叔以為她賣唱,竟然掏了$4.1放在她的結他盒內,非常搞笑,事後Eva笑說:「其實我唔係賣唱係拍嘢,不過都幾得意,拍拍吓真係有人以為我賣唱,俾咗$4.1,我會鑲起嗰$4.1,同埋我想感謝嗰位叔叔,佢俾錢我嗰刻我唔知好笑定好嬲。」之後在場的工作人員也跟Eva開玩笑,紛紛放錢「捐獻」。

OLYMPUS DIGITAL CAMERA

為Eva兩脇插刀的Greg則說:「好開心有呢個咁有意義嘅project幫陳詩慧,呢個算係我自己公司嘅第一個project,我哋兩個結緣於《選戰》,今次係佢喺我哋公司第一張發行嘅CD入面嘅主打歌,亦係《i’ll be there》嘅中文版,所以我就幫佢操刀,特登揀番銅鑼灣嘅東角駅拍,同埋會拍番銅鑼灣嘅景,仲有啲特別人物友情客串喺佢個mv出現,希望mv出時大家番意吓我哋嘅用心。」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。