陳鈺芸《猛龍追撃8小時》難忘與拳王激吻

17

打女陳鈺芸JuJu 近期忙於中美兩邊拍片,從美國回港一個月已拍攝了一套動作微電影及正忙於宣傳新動作西片《猛龍追撃8小時》。《猛》片將於明日(27日)在香港舉行首映禮。電影由JuJu與美國 UFC 拳星 Josh “The Punk” Thomson主演。JuJu在此片作出新嘗試,做一個手無搏雞之力既角色,演Josh的弱質女友,Josh要英雄救美把JuJu從壞人手中救出。

12

自認拍拖經驗唔多兼好動坐唔定的JuJu表示,當初被選中做《猛龍追撃8小時》的女主角的確感到意外:「本來我係做片中打女女配角角色,有一場打戲,但係拍攝前一個禮拜,監製話要換我做女主角,覺得我同Josh好襯,可以係影幕上擦出火花,同埋比到新鮮感觀眾。我個角色對我嚟講,唔做打女仲大挑戰,因為要演一個完全同自己相反既角色。但我係一個鐘意接受挑戰既人,加上自己係演員,應該所有覺色都要演到。導演同監製都滿意我既表現,但我自己就對自己好多要求,覺得有很多可改進既地方。」

2

被問及與Josh激吻一幕,JuJu表示的確是最難忘的拍攝過程:「因為喺我生日嗰日拍! 本來以為只係拍一個接吻鏡頭可以好快拍完,但拍咗 40個 take 導演先收貨。不過最緊要出嚟效果好。拍完劇組送生日蛋糕比我,係片場慶祝,好難忘既生日。」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。