[新歌推介] 張建聲、石詠莉學生Look 撐陳詩慧《一些往事》MV (附MV)

IMG_ (16)

唱作女歌手陳詩慧(Eva)繼港視人氣劇集《選戰》插曲《I’ll Be There》贏盡口碑及一度稱霸iTunes榜冠軍後,近日再有佳作,由她負責曲、詞、唱及監製的港視新劇《歲月樓情》插曲《一些往事》。一手包辦全曲的Eva日前更擔任導演拍攝mv,邀請同經理人公司的張建聲(Justin)和石詠莉(Sukie)做嘉賓。

IMG_ (10)

為配合歌曲,Eva特別選擇充滿港式情懷的南山邨取景,三人齊坐時光機扮學生遊公園、打籃球、玩彈珠機,Eva做金毛學生妹,Sukie就做孖辮眼鏡娘,而瘦仔50磅的Justin手拎紙盒檸檬茶的鏡頭,更甚有第N代檸檬茶王子feel。

IMG_ (13)

Eva說:「呢個mv構思係我諗起中學時期大家發生過嘅嘢,年少輕狂,梗係(目及)仔啦,尤其係張建聲靚仔到咁。其實我嚟到呢間公司可以做自己喜歡嘅嘢,自由度好大,今次我好感激張建聲同石詠莉兩脇插刀,因為呢件事好趕,一日構思一日吹雞拍,同埋好多謝監製陳詠佳幫手拍攝,仲請到大師李自力幫我剪接。」

IMG_ (12)

其實石詠莉已有十多年沒有穿過校服,小時也沒有梳過孖辮,所以她今次扮四眼孖辮妹竟然圓了童夢,「去屋邨拍mv時,我仲見到以前細個玩嘅玩具,又諗起以前成日去屋邨同朋友gathering,有好多集體回憶。」

IMG_ (7)

反而檸檬茶王子Justin就猛嗌頂唔順:「唔係陳詩慧叫我幫拖,我都真係唔啋呀!30幾歲人走去扮學生,要攞番啲童年回憶出嚟,但話晒都放低咗十幾年,自己真係唔敢睇。(有冇諗起少年情懷?)我細個邊有咁純呀?拍戲先有啫,哈哈。但南山邨真係正,拍啲懷舊嘢,咪諗吓自己讀書時候嘅puppy love擺落mv度,嗰日大熱天時仲要落雨拍打籃球,懶係陽光咁,真係攞你命三千,自己都唔係好頂得順,陳詩慧爭我一餐飯。」

曲:陳詩慧
詞:陳詩慧
編:Thinker
監:陳詩慧

我細聽這晚風聲 看看晚空的星星
我發覺呼吸似被暫停
我細看這晚風景 然而重新確定
其實慶幸過程 還有鋼琴聲

想起一些往事 想起當初的不智
人極放肆 盼你注視 其實極幼稚
想起一些往事 發覺我仍在意
然而你似 沒有一絲悔意

深呼吸呼出心酸 閉上眼思緒雜亂
難受再次還原 而我在氣喘

幾多溫馨往事 過去了迫不得已
無謂介意 就當新的開始

浩楠

Stars-hk 創辦人, 希望建立一個只談專業, 不談八卦的娛樂資訊網站。