「赤道」文詠珊挑戰楊紫琼 打到張家輝爆缸

IMG_ (19)

寰亞電影逾二億投資的反恐巨製「赤道」,已定於5月1日出擊,好戲連場有張家輝、張學友鬥智鬥力鬥戲之外,還有文詠珊(Janice Man)、余文樂、池真熙、崔始源及張震的火爆槍戰動作場面,不過其中一場戲是張家輝被Janice Man三招殺食較剪腳及單手插眼打殘,令人對初演反派的性感打女JM刮目相看。

IMG_ (1)

英勇神探張家輝與心狠手辣殺手文詠珊(Janice Man)在戲中有場激烈勁打場面,張家輝本來以為打女人易過借火,誰知打女人是沒有好結果,雄斗斗的張家輝竟然被嬌滴滴的JM打到落花流水爆晒缸,JM三招煞食較剪腳鉗到家輝有氣冇定抖,更來多一招手指插眼,由車頂打到落地下,拳拳到肉,穿著小背心的JM打得勁落力,原來她在接拍「赤道」之後便專心拜師學武,到打女前輩楊盼盼開設的武館受特訓,每日拉筋打拳,訓練到要開槍不眨眼,久經訓練後令她成為「赤道」中一名冷血殺手。

IMG_ (7)

被JM打到爆缸的張家輝竟然大爆內幕,他笑說:「嗰日拍完之後JM就同我講:『好彩冇事,我諗到同你拍呢場戲,我好驚呀,驚畀你打親呀!』其實嗰場戲係JM打到我嘔電還唔到手呀,不過啲替身都分配得幾好,佢身手好敏捷,可以做新一代打女!呢期都冇乜女演員打得,JM要挑戰楊紫琼要再努力學武。」

IMG_ (11)

JM為了和家輝拍這場激打戲,,她亦做足功夫,她說:「大家要如何度位,又要保護大家不要受傷,因為場戲好多翻筋斗跌落地,經過好多重障礙,所以拍之前都好緊張,有時會驚受傷,不過做演員一定要專業同豁出去,我好大膽地經過一名曾當過美軍的老師訓練之下完成咗呢場戲,我同家輝哥只排咗幾次,之前我係自己一個人同替身去練習, 因為我冇乜呢啲動作經歷,家輝哥就好有經驗,所以我哋好順利咁完成!」JM又笑說,家輝拍這場戲沒有當過她是女人,因為大家也打得好狠,對她而言有大挑戰性,她希望觀眾能看見她不是嬌滴滴的,她不抺煞日後再接打女戲。

IMG_ (2)

JM在拍攝電影海報當日,身上穿著皮褸和手套,拿起手槍擺甫士似模似樣,首次扮演殺手的JM,戲中有不同造型,包括性感金髮女郎、清純長髮少女、穿高义長裙,她說:「最深刻莫過於應付大量動作,開槍和打鬥佔最大的比重。由接到劇本開始準備,花咗半年時日間接受相關訓練,自己亦特別針對跑步練氣和打boxing加強train up。電影公司仲安排咗一位退役美軍訓練我,高峰期我都有六舊腹肌,係我目前為止人生之中身型最fit既時候。因此不論對角色及自己本身都有所得着,我本身雖然好硬淨,但都唔夠戲中既我咁狠,咁絕情,就好似變咗另一個人。」除了跟前美軍在實靶場練習學開槍和訓練體能,JM還自爆對鏡練擺甫士,她說:「開槍要開到熟,唔驚,仲要擺甫士有型,唔可畀支搶遮到個樣,又要有眼神,所以成日要對鏡練習,做好準備,埋位時就好順利和好快。其實今次有幸與7位型男合作,個個都係好戲之人,我梗係乘機偷師啦,尤其是戲中好多槍戰場面,淨係睇佢哋既動作和眼神,點樣遷就鏡頭擺位,學到好多嘢!」

IMG_ (13)

與七位型男前輩王學圻,張學友,張家輝,張震,余文樂,池珍熙和崔始源合作,JM坦言與張震最合拍,她說:「因為我哋對手戲最多,成日一齊行動,好有火花,而戲中好多槍戰鏡頭,加上我哋曾經過過戲,有啲默契。」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。