楊千嬅 世界巡迴演唱會2015第五場 歌神張學友任嘉賓 (附圖輯)

IMG_ (19)

「楊千嬅 Let’s Begin 世界巡迴演唱會2015」昨晚(28日)第五場騷,蔡一智與老婆、導演泰迪羅賓與黃修平、鄭融和側田等捧場,座無虛席。性格大情大性的千嬅,昨晚兩度唱歌時感觸落淚,首先是唱《笑中有淚》時突然嗚咽唱不下去,更有粉絲將一包紙巾抛到台上,最後全場大合唱打氣。之後與特別嘉賓張學友合唱後,送走學友落台她獨唱時又再喊,果然是愛哭的水瓶座,非常感性。

IMG_ (2)

IMG_ (1)

昨晚演唱會特別嘉賓「歌神」張學友出場,掀起高潮,他獻唱經典金曲《還是覺得你最好》,全場大合唱,然後與千嬅手拖手合唱國語歌《你最珍貴》,千嬅和歌迷都如痴如醉。之後千嬅揚言:「我好緊張呀,我練咗呢首歌兩個月啦!」學友笑她緊張到手震,她爆料指老公丁子高是學友粉絲,她說:「我老公仲緊張呀!(呢首歌其實係丁子高同千嬅唱,依家我唱住先。)呢首歌對我哋好有意義,當年結婚時合唱表演!(點解唔叫我去唱?)唔敢呀!

IMG_ (6)

今日好多謝你,我覺得好amazing!」過往四場騷都坐在VIP席的丁子高,昨晚坐在第一行,似乎為了近距離欣賞老婆和偶像學友合唱。學友笑說:「其實我以前都以為千嬅傻傻地……(我依家都未好返,學友哥哥)但之前我搞咗阿梅個騷,咁多年來嗰次認識千嬅比較深,由開始打電話畀佢到做完個騷,叫佢做乜,佢都話『好呀』、『OK』。令我非常非常感動…(我應該既!)我覺得千嬅應該擁有一切最好,因為佢係個好人。」觀眾報以掌聲。

IMG_ (5)

千嬅自爆不敢直接打電話邀請學友出席今次演唱會做嘉賓,她透過經理人林珊珊邀請,學友立即答應後,原本想他將多首經典歌的串燒歌,但最後還是不敢。到底誰決定學友昨晚唱什麼歌呢?學友說:「我問嘉萍(千嬅演唱會監製)點解千嬅揀呢首歌,佢話:『係我揀架!』」千嬅笑說:「係叫,娛樂圈好黑陰架!其實我想聽學友唱新歌,但佢(嘉萍)話你成日都唱新歌,話你一定會想唱呢首,咁我都好鍾意!」學友坦言:「其實揀舊歌好呀,我一定識唱,唔使背歌詞!」全場爆笑。

IMG_ (3)

然後千嬅感性地說:「我好開心,喺人生路上,有一晚可以同學友合唱,好多謝你完成我既夢想。」學友指千嬅好抵錫,叫歌迷用力愛錫她。千嬅送學友離場後,說:「嘩,我今日好開心呀!當年我哋參加新秀,個個報名都唱學友既歌,我都揀咗《李香蘭》。今次演唱會我請嚟既嘉賓都係好朋友,係我尊敬和值得學習既人,學友哥哥係我既好榜樣,佢無論任何階段都做得好好,好值得學習。今日綵排時佢仲袋咗好多錢畀我,因為有啲位我唱得唔係咁好,佢即刻教我,係一位好老師。」然後千嬅唱完《化》接受歌迷點唱,當她唱《假如還我說下去》的時候突然哭起來,似乎學友出場令她非常激動,工作人員立即遞上紙巾,情緒平伏後她繼續唱《姊妹》,第五場演唱會順利完成。

IMG_ (4)

今日(1月29日)休息一天,明天(30日)繼續最後兩晚演出。

IMG_ (11)

 

IMG_ (16)

IMG_ (17)

 

 

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。