Janice Man米蘭睇騷 準備六位數血拼

Janice Man (文詠珊) 昨日早上現身米蘭,出席Max Mara 2015米蘭春夏騷,為支持該品牌,Janice Man身穿剛上架的2014 Max Mara 秋冬裝,手挽該品牌的手袋,並和Max Mara的亞太區總監Luca Uras言談甚歡,而同場還有金球獎影后艾美亞當斯(Amy Adams)。

Janice Man透露今次是第一次去米蘭看騷,她說:「我之前去過巴黎,米蘭係第一次嚟,Max Mara 係我嚟到睇o既第一場騷,所以心情好興奮,呢幾日我會揀自己鍾意o既品牌,盡量睇多幾場騷,行程排得好緊密。」靚衫只看不買當然冇癮,Janice Man早已準備定銀彈入貨,她說:「我希望可以抽到一日半日去shopping啦,我一早預備咗六位數字嚟買衫o架!」

Janice Man簽約太陽娛樂文化有限公司後,可以說是驛馬星動,她剛在日本拍攝完許志安MV,便馬不停蹄趕去出席2015米蘭春夏騷,然後會去巴黎睇騷以及拍攝電影《巴黎假期》,再從巴黎直飛內地拍攝電視劇,工作排得密麻麻。Janice Man說:「我嚟緊除咗去巴黎睇騷,總會留喺度拍電影《巴黎假期》,我同古天樂、郭采潔都有對手戲,主要對手係古天樂,我個角色都幾特別o架,但詳情暫時唔可以透露,要保持神秘感。」

現時冇拖拍甚dry的Janice Man,被問到可會考慮在米蘭或巴黎這樣浪漫的地方,找一個老外男友,她聞言即笑說:「呢啲隨緣啦…..不過外國人都好喎,聽講外國人除咗浪漫之外,亦比較gentleman。」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。