蝦頭‬俾何傲兒搶走周子揚

搞笑藝人楊詩敏(蝦頭)日前接受茜利妹及邵子風主持的節目《娛樂後援會》訪問,談及「兒子戀」,蝦頭恍然大悟:「早兩、三個星期我同何傲兒一齊拍《Sunday扮嘢王》時,明明果日冇周子揚通告,但就見到佢出現,我仲問佢點解,佢古古怪怪咁話:『啊… 我睇吓你地拍吖嘛…』原來係睇何傲兒!」

邵子風當日也在現場,他道:「啊!唔怪之得我走時,見到何傲兒上周子揚架車啦!原來已經撻著!」

蝦頭又爆周子揚跟她在《Sunday扮嘢王》中是一組的,有不少交談機會:「佢成日同我傾計,又讚我!當我發現原來佢同何傲兒撻著時,我真係好Hurt囉!」茜利妹吋她:「吓?!佢親近你其實想轉移視線囉!你諗多咗啦!」

蝦頭又怨何傲兒不夠姊妹:「果日記招我見佢因為『爺孫戀』傳聞悶悶不樂,咁我咪拖佢手給給力,點知原來已經同周子揚暗撻成功,翌日已『車輪見報』!」

蝦頭更借節目警告何傲兒:「我一定要將真相講出來,拍節目以來,周子揚真係同我講咗好多甜言蜜語囉!咁佢對得我講,都唔知有冇對其他人咁講囉,TVB又咁多姐仔咁多靚女!咁你(何傲兒)自己小心啲啦,我當你係姊妹先同你坦白。」

蝦頭即將與龍小菌合演音樂劇《生命的樂園》,更會擔任編劇,她不排除二人會有「大膽演出」,至於是祼露、爆粗還是同性戀方面,她大賣關子:「唔方便劇透,買飛入場睇一定有驚喜。」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。