張苡澂身體力行狂掃徐家傑新書撐師傅

歌手張苡澂(Venus)日前現身書展力撐師傅徐家傑新書《泰拳歷史事蹟、人物圖集》宣傳發佈會。身為徐師傅愛徒之一嘅Venus,知道徐師傅深究泰拳歷史數十載,感激師傅嘅悉心教導之餘,同時大手買咗五十本師傅嘅新書送贈好友協助推廣。

九月與哥哥談「當年情」

談到近況,Venus說:「最近除咗準備自己第二張唱片之外,嚟緊9月10號好榮幸得到香港表演學院邀請參與「香港群星演唱會2014繼續寵愛哥哥當年情」的演唱嘉賓,更重要嘅係我亦都有份參與全港首創的《霸王別姬》音樂劇!師傅(徐家傑)好關心我,一知道我要參與當中,就特登同我加強鬆筋嘅訓練,務求以最優美姿態參與演出!師傅咁錫我,嚟緊有套快閃搞笑嘅MV會預埋師傅份一齊參與!師傅都已經答應咗而且好鍾意個Idea(概念)!」

兩師徒派對打醉拳

及後,Venus同時邀請徐師傅出席內地女富豪好友在天璽舉辦的華麗生日派對,不過徐師傅被頑皮嘅Venus不斷灌醉,在派對上兩師徒臉紅紅被邀請即席表演醉拳,逗得在場嘉賓及主人家合不攏嘴。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。