劉浩龍中「星星」毒 找A貨「全智賢」拍《說明書》MV (附圖輯)

早前忙於拍電視劇和電影的劉浩龍(師兄)，近日終於有新歌《說明書》派台。由於歌詞與13年前經典韓片《我的野蠻女友》的劇情不謀而合，師兄索性找來一位貎似《我》女主角全智賢的女模Sarah拍MV，「A貨全智賢」Sara撥頭髮和野蠻樣都與正版智賢如出一徹，師兄讚歎不已！

一部韓劇《來自星星的你》瘋靡亞洲，就連飾演女主角「千頌伊」的全智賢2001年舊片《我的野蠻女友》亦被帶挈翻炒，再度熱爆網路。作為全智賢頭號粉絲的劉浩龍(師兄)，早前收到新歌《說明書》歌詞後，覺得與《我》片中男主角車軚鉉與全智賢相睇男子訴說其拍拖習慣的情節感覺吻合，於是與MV導演商量，決定將《我》情節重現新歌《說明書》的MV，更物色同樣擁有長長秀髮的女模Sarah演其「女神」。導演特別將男女主角天台傾心事和全智賢街上喪跑尋找車軚鉉等重頭戲加入MV中，還讓Sarah穿上全智賢白色套裝裙戲服，事前讓她重看片段做參考，結果她一邊跑街一邊撥頭髮，連氣質學得都似模似樣。

眼見「A貨全智賢」Sarah舉手投足都得到十足，師兄大讚她有潛質，他說：「《說明書》係黃偉文寫畀我既新歌，當我收到歌詞既時候，腦裏就出現《我的野蠻女友》情節，所以MV都加入呢部電影元素，我既女主角Sarah係長長秀髮，真係好似全智賢架！」被指已深中「星星毒」的師兄搞笑地向對方自我介紹說：「我係『千頌伊師兄』！」言而Sarah卻以韓語回應他，令師兄好驚喜，笑言會特別投入拍攝！

劇情需要，師兄與Sarah在街頭深情擁抱，問他們要否與另一半「備案」?師兄man爆揚言：「做嘢唔使備案！」Sarah自爆無男友，亦無需備案，還對師兄笑說：「希望唔會影響到你啦！」師兄聞言即笑說：「等我叫導演加多啲親熱戲先！」他又說：「其實我哋係今日拍MV才認識，見面第一個鏡頭就係擁抱，我哋就係擁抱前一秒才握手！」除了親熱戲，MV裏Sarah還要為師兄流眼淚，師兄說：「其實我平時拍戲和電視劇都係打打殺殺，唔係警察就賊，幾乎未演過感情戲，所以今次拍MV又擁抱又談情，仲搞到個女仔喊，對我嚟講係好大既挑戰！」

除了女主角似全智賢令師兄表現興奮，拍攝的地點亦令他非常雀躍，他說：「為咗拍攝MV，我哋午夜時份嚟到尖沙咀喺加連威老道取景，入行前我好鍾意嚟呢度既出口店，專門摷剪牌名牌tee，入行後就只有拍嘢時嚟過。平時呢度好逼人，今晚喺度可以隨便行，仲可以大聲講嘢，好過癮，好開心！」不過廿幾歲小妹妹Sarah坦言不明白師兄所講的剪牌tee，搞到他對牛彈琴，非常無癮！

《說明書》歌詞
主唱：劉浩龍
作曲：温翰文
填詞：黃偉文

「凡有雪糕 分你一口」
「凡有老鼠 將你拯救」
「纏綿後 不可以 揮揮兩袖
尚要親暱對話 和挽手」

「陪你慶祝 先暖清酒」
「陪你痛哭 先聽〈七友〉」
「懸疑劇 一演到 將偵破兇手
就算早知道劇情 欲語記住還休」

來年 誰來取代我 祈求能溫習過
將我 曾犯的差錯 來換他好結果
祈求他像我 卻完全勝於我
依照著這備忘去 伴你過

和你要爭吵了多久 才有眼光將你猜透
從前為討好你 東奔與西走
學會的轉送別人 讓你以後無憂

來年 誰來取代我 祈求能溫習過
將我 曾犯的差錯 來換他好結果
祈求 他像我 卻完全勝於我
依照著這備忘去 伴你過

你內心 得我最清楚
下個 看著說明書 先修一課
磨合會 少許多痛楚

來年 誰來取代我 祈求能溫習過
將我 曾犯的差錯 來換他好結果
然而 憂慮過 有誰人能像我
關心你 把每件小事 打點過