陳炳銓陳意嵐台下鬥氣到台上

NowTV節目主持陳炳銓(Danny)及舞台劇《玩死卓別靈2》女主角之一陳意嵐(鬼妹,杜汶澤御用化妝師)到茜利妹主持的節目《娛樂後援會》宣傳受訪。

節目一開始,網友便洗版式打探陳意嵐是誰,更冠以「鬼妹版阿嬌」之名。陳意嵐謙虛表示:「阿嬌(鍾欣潼)靚好多!」其後又因「蝦碌」唔覺意on-air時爆了句:「夾實『咪咪』條(咪)線先。」低頭專心整理胸前收音器的線,又惹來網友一陣旋風式討論。

茜利妹謂:「果然同啲咩人(杜汶澤)玩就會染上咩風格,幾豪放呀家下!明明識你果時係淑女呢!」陳意嵐又透露因為杜汶澤的緣故,instagram遭內地網民留言:「你老闆如此言論極之不對!」她則留言回應:「你可以選擇不看,謝謝。」

在舞台劇《玩死卓別靈2》中,她與集編劇、導演、主角一身的陳炳銓有大量對手戲,更會一人分飾兩角,既是Danny前度女友,有時又是其母,演技大考驗。

Danny透露:「雖然我個角式係參照差利卓別靈,但其實嬉皮笑臉背後充滿陰暗面,劇中會逐一殺死其他人,包括Monie(董敏莉)、郭偉豪、林兆霞,各人會有唔同殺法,溫柔啲、粗爆啲,至於邊個係邊種殺法,就要入場睇啦。」《玩2》絕對是一套黑色喜劇。

兩位主持更大讚Danny扮差利的形體、表情唯肖唯妙!與平時「老正」形像兩個面貌,佩服之極!

他又爆陳意嵐:「佢極度中意討論角式,好多時討論多過排戲,激死!」陳意嵐反駁:「我都冇問酬勞就做,咁討論吓角式都唔俾咩?!」

茜利妹:「啊!你老闆(杜汶澤)出糧俾你攞去貼仔(陳炳銓)!」
陳意嵐大發嬌嗔:「啍!講到咁嘅…」網民又暈得一陣陣。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。