何韻詩演唱會海報被惡搞　與明哥披絲巾合照被人脫褲（附圖輯）

最近網上流傳一張明哥及阿詩披著絲巾的裸照，郭啟華對此回應於四個月前以寰亞員工身份陪同何韻詩飛到日本為本周六舉行的《MEmoNTO LIVE》演唱會拍攝個唱海報，請來新加坡籍名攝影師Leslie Kee操刀，拍攝期間Leslie透露稍後會推出一本慈善書，他說：「佢當時透露嚟緊會係台灣、香港、日本拍攝呢本書，亦知道明哥（黃耀明）同阿詩（何韻詩）組成咗大愛同盟呢個組織，好想搵佢哋影張相，當時我話好吖。」郭啟華表示兩個月前Leslie來港拍攝，過程相當愉快，明哥及阿詩分別赤裸上身以絲巾遮胸，下身均穿上牛仔褲，他說：「拍完之後都同佢講，出街之前畀我睇吓，之後一直都有Keep住問佢，點知冇回音。」他坦言是明哥第一個從網上看到「被除褲」照片，郭啟華說：「Leslie依家係日本有個相展，當中展出呢張相，應該有人睇到影低放上微博，其實佢之前喺Youtube宣傳呢個活動條片已經有呢張照片。」

身為明哥經理人郭啟華笑說：「照片是沒有穿褲子。」問到會否追究？郭啟華說：「拍照時係冇講過會係咁，感覺唔係幾好。」隨即忍不住大笑：「Leslie Kee好鍾意用電腦除人條褲，如果開宗名義話要咁拍，我哋可以決定拍唔拍，唔可能拍完喺到修圖，令我哋無所適從。」他承認已聯絡Leslie Kee，他說：「我同佢講畀番條褲佢哋，不過部份照已經係網上流傳。（覺得畀佢呃？）最主要係佢鍾意用電腦除人衫褲，下次要小心啲。」並即時呼籲各位藝人要小心，他說：「下次真係要著潛水衣影。」原來明哥上次有份參與Leslie Kee的Super Stars Book，不過上次條褲完好無缺而阿詩今次亦是第二次合作了。

阿詩及明哥就此事回應：「為了愛，我們是願意敞開自己的。拍攝當日明明是穿着褲子的，為什麼照片岀來後褲子卻被人脫掉。如果條件好的話，裸體本來問題：但身材平平無奇如我們，還是獻醜不如藏拙。這個美麗的誤會，是PS得過了頭吧。若大家看得不順眼，就以Big Love或Super Love包容一下。若認為秀色可餐，就多多轉發吧。」