甄子丹、汪詩詩出席服裝品牌發佈會

摩納哥當地時間5月18日,Dior 2014早春系列發佈會在摩納哥Hercule港口附近舉辦,甄子丹和太太汪詩詩獲邀前去欣賞時裝展,共同見證Doir藝術總監Raf Simon設計的首次早春度假系列發佈。甄子丹和太太汪詩詩全套Dior亮相撐場,十分畀面,大會還同時邀請了汪詩詩的父母出席,之後眾人還一起去了摩納哥海洋博物館參加大會的晚宴。

時裝展現場子丹夫婦和章子怡同坐,一起欣賞模特兒行騷,席間大家有傾有講,還分享一下時裝心得。子丹表示自己向來對時裝潮流很留意,對衣著也有自己一套的心得,當然Dior也是他喜歡的品牌之下。子丹說:「我有好幾個鍾意既時裝品牌,但唔會指定一定要著邊個品牌,最緊要適合自己。我鍾意簡約、修身既款式,著得身型瀟灑,成個人都會自信。我多數自己買衫,有時太忙冇時間,詩詩會幫我買,佢知道邊啲衫啱我。」

平日出席宣傳活動,子丹大多自己挑選服飾,偶爾要出席大型活動,則會問問太太的意見,子丹說:「詩詩係模特兒身材,著咩衫都靚,而且佢向來有衣著品味,我間中會問吓佢意見,出席重要活動時都會同佢夾吓著咩衫,不過有時好奇怪,明明大家之前冇夾過,但我哋會不約而同著咗同一個色系,或者著咗同一個款質料,應該係我哋心有靈犀啩。」

浩楠

Stars-hk 創辦人, 希望建立一個只談專業, 不談八卦的娛樂資訊網站。