黃淑蔓、曾傲棐復古造型現身旺角 T.O.P 為 CASIO VINTAGE 期間限定店揭幕 現場大展歌喉 Arvin 零距離「寵粉」送合照 Feanna 積極備戰個人專場獲分享開騷心得

新生代人氣唱作歌手 黃淑蔓 (Feanna Wong) 及 曾傲棐 (Arvin Tsang) 於 12 日雙雙現身旺角 T.O.P This is Our Place,為 CASIO VINTAGE「Rewind To The Groove」期間限定店擔任揭幕星級嘉賓。兩人以一身兼具復古與街頭潮流的造型亮相,不但大方分享日常穿搭心得,更於現場送上精彩的 Live 演唱,引來大批歌迷及途人駐足圍觀,場面相當熱鬧,氣氛高漲!
默契合唱炒熱全場 現場演繹大熱作品
活動於 1 樓特別打造的美式復古影音店「Rewind Stage」舉行。Feanna 與 Arvin 出場即引起全場歡呼,為配合現場濃厚的黑膠唱片情懷,兩人特別準備了豐富的音樂表演,帶領觀眾「Rewind」回到音樂黃金年代。

Feanna 率先以獨唱新曲《餓》打頭陣,現場粉絲反應熱烈,更自發大叫口號應援,令她感動不已。其後她邀請 Arvin 上台驚喜合唱《報復式浪漫》,兩人在台上互動十足,不時展現可愛互動與默契對望,細膩動人的歌聲引來台下大批粉絲紛紛舉牌和應!最後 Arvin 再為大家送上獨唱作品《實物落差協會》,深情演繹令在場歌迷聽得如痴如醉,紛紛跟隨旋律應援揮手,瞬間將商場氣氛推至頂點。

互相交流「開騷」心得 積極備戰個人專場
早前成功舉辦首個個人演唱會的 Arvin,與即將迎來個人專場的 Feanna 亦在聯訪環節大談心路歷程。談及備戰專場,Feanna 表示:「黎緊開自己第一個個人演唱會,依家慢慢準備緊。最期待可以唱晒自己嘅心血作品比大家聽,希望大家會鍾意!」。而作為「過來人」的師兄Arvin 則向她大方送上過招秘訣:「最緊要係好好休息!因為想做好一件事,好多時會不斷練習同諗好多嘢,我記得自己開 Show 前一晚連瞓覺都會彈起諗緊講乜。所以最緊要係放鬆,順其自然!」。而 被問及未來計劃時 Arvin 亦大方分享:「我都準備緊拍 MV,新歌都會如火如荼咁進行。希望可以快啲畀大家見到新作品,我比較期待未來!」盡顯兩人深厚情誼及對音樂的熱誠。


分享 OOTD 復古美學 讚手錶百搭必備
兩位新生代偶像向來是潮流焦點,Feanna 今日特別佩戴了 CASIO Vintage 全新推出的女裝金屬編織錶帶系列 LA680WEA-7,她分享道:「自己平時好鍾意襯啲小飾物,呢隻錶嘅八角形錶殼設計好精巧,加上金屬編織錶帶非常貼合手腕,戴上手仲有『顯瘦』效果!無論係平時著得比較文青,定係簡單一件 T-shirt 牛仔褲,一戴上去成個造型即刻變得好有復古時尚感。」而身穿復古層次感造型的 Arvin 則大讚手上的復古電子錶 AQ-240E-3A:「我本身好鍾意啲有歷史、有故事嘅 Vintage 物品。我覺得手錶除咗睇時間,仲可以作為服飾嘅點綴。我平時出街最怕遲到,所以有隻準時又易襯嘅手錶好重要。好似我今日戴住呢隻金屬復古電子錶,呢隻錶嘅錶面配搭金屬錶帶非常有 Vintage 味道,設計簡約又有型,簡單襯出隨性態度,非常適合日常穿搭。」


Arvin 大展「寵粉」本色 零距離自拍合照送限定小卡
今日活動更特設 Arvin 限定粉絲福利環節,早前成功預先登記的 50 位幸運歌迷,獲安排於現場與 Arvin 進行一對一即影即有合照,並親手接過限定小卡。Arvin 全程表現親民,合照時有求必應,擺出多個搞怪復古 Pose,冧爆一眾在場粉絲!
四大驚喜互動體驗 打卡復古影音世界CASIO VINTAGE「Rewind To The Groove」期間限定店於 11 月 12 日至 25 日期間舉行,現場除了搶先首發全新 Vintage 金屬編織錶帶系列,更特設四大沉浸式體驗,包括:
1. CASIO 復古拍照亭 (2/F):追蹤官方 IG 即可免費大玩自拍。
2. A158 手錶造型鎖匙扣工作坊 (1/F):現場消費即可親手製作專屬鎖匙扣。
3. 「專屬時光」似顏繪體驗 (1/F):指定週末消費滿額即贈插畫師即場速繪卡。
4. 「Groove & Rhythm」Indie 之夜 (1/F):11 月 20 日特邀 before the night ends 等 3 組單位帶來 Livehouse 表演。
CASIO VINTAGE「Rewind To The Groove」期間限定店詳情:
● 日期:2026 年 11 月 12 日(星期四)至 11 月 25 日(星期三)
● 時間:中午 12 時 至 晚上 8 時
● 地點:旺角彌敦道 700 號 T.O.P This is Our Place
(各項贈品及活動名額有限,先到先得,額滿即止。)





