Dr. Kong呈獻《女王教室特別版》音樂劇登場 Purple姐姐繼《非凡音樂劇之旅》大賣後馬不停蹄 King Sir珍貴錄音再現舞台

兒歌天后李紫昕（Purple姐姐）繼今年8月《非凡音樂劇之旅》演出大受歡迎，旋即馬不停蹄籌備全新音樂劇《Dr. Kong呈獻：女王教室特別版》，11月27‑29日於元朗劇院演奏廳公演。今次演出其中一大意義，係向King Sir作出致敬；劇中一個舉足輕重嘅關鍵角色，會用上King Sir過往留下嘅珍貴錄音作聲音演繹，讓觀眾透過舞台再次聽到佢標誌性嘅聲音，成為今次演出極具紀念價值嘅亮點。

為配合劇中AI主題，今次宣傳亦特別運用AI技術製作專屬AI卡通宣傳片，將舞台故事、太空冒險同AI幻想世界預先呈現觀眾眼前，以貼近最新數碼潮流嘅方式，引發小朋友同家長對劇情嘅好奇。

故事講述月球舉行女王登基大典之際，信奉效率至上、欠缺同理心嘅AI外星體入侵，企圖進軍地球改寫人類生活。憑藉King Sir聲演角色嘅力量，月球女王被傳送到地球尋找救兵，女王卻意外降落在一間登月航天學校，遇上一班飽受壓力、唔懂表達情緒嘅學生。

劇作緊貼當下熱門議題，集合AI科技反思、登月航天、太空冒險等元素，透過奇幻歷程帶出核心訊息：AI固然為生活同學習帶來便利，但年輕一代要保持獨立思考，懂得辨別資訊真偽，人嘅情感同友誼才是無可取代嘅寶貴財富；劇中亦融入航天知識，啟發小朋友建立家國情懷。

Purple姐姐親身飾演月球女王，角色縱然面對重重挑戰，仍然秉持「Never Say Never永不言棄」嘅精神。全劇配備多首原創歌曲，透過載歌載舞嘅舞台，鼓勵小朋友面對壓力唔好壓抑情緒，要勇於表達、尋求傾訴，學會彼此扶持，建立心理抗逆力。

演出資料

節目：Dr. Kong呈獻：女王教室特別版
地點：元朗劇院演奏廳
日期：2026年11月27（五）19:30｜11月28（六）14:30、19:30｜11月29（日）14:30、19:30
票價：$250、$190、$130