海兒 周奕瑋出席「三菱重工空調」晚宴 海兒任嘉賓連唱兩歌全場High爆 周奕瑋以三語任司儀晒語言天分

「三菱重工空調」前晚（5月11日）在中環舉行晚宴，邀請了TVB「最佳男主持」周奕瑋（Jarvis）擔任晚宴司儀，還特別邀請《中年好聲音》最索評審海兒（Hedy）出任表演嘉賓，海兒除連唱兩首歌曲娛賓外，還跟現場觀眾大玩遊戲，場面熱鬧。

當晚周奕瑋介紹海兒出場時大賣關子，海兒突然身穿白色晚裝以女神姿態亮相，邊唱着歌曲《Carmen Habanera》（《卡門》）邊進入會場，以高難度唱腔，令全場氣氛高漲，嘉賓紛紛舉起手機拍攝，甚至有人上前主動跟海兒大玩自拍。接着海兒再以靚聲演繹《If I aint got you》，令台下觀眾聽出耳油。

海兒表演完後，周奕瑋上台傾談，問到海兒工作忙碌，對平日生活質素會否有特別要求時，海兒坦言要求高，「平時工作環境好熱鬧、壓力好大，所以返到屋企我一定要夠安靜、夠放鬆，最重要係冷氣一定要夠舒服！因為我唱歌要保養把聲，對空氣質素同濕度特別敏感。」周奕瑋很理解作為歌唱家，聲音就如生命般寶貴，「其實冷氣除咗涼唔涼之外，氣流嘅分佈同過濾功能對喉嚨嘅保護好關鍵。」所以周奕瑋再追問海兒對冷氣有何「女神級」要求？海兒就公開揀冷氣心得，「第一係要靜，唔可以影響到我練歌或者休息；第二係氣流要柔和，唔可以直吹喉嚨，否則第二日起身把聲就會沙，所以我特別欣賞『三菱重工空調』嗰種自然、恆溫嘅氣流，真係好似有一陣溫柔嘅風護住你咁，好有安全感。」

周奕瑋接受訪問時表示，很開心連續3年為「三菱重工空調」晚宴擔任司儀，「真係好多謝『三菱重工空調』一直畀機會我擔任呢個重任，今日唔單止要用日文，係要用三語，因為仲要講英文同廣東話，真係幾緊張㗎！」而海兒亦很榮幸可出任嘉賓，「做咗《中年好聲音》評審之後，真係多咗好多表演機會，今日好多謝『三菱重工空調』邀請做表演嘉賓，唱歌之外仲可以同大家玩遊戲，現場氣氛真係好好。」