關嘉敏首擔女一演公主 與大師兄海俊傑齊齊撈過界 朱斐斐Fei Fei及女團UNi思澄參演

天盟娛樂有限公司有份投資的內地出海短劇《天啊！班主任竟然是武功高強的長公主！》，日前在廣州南沙舉行盛大開機儀式。一眾演員關嘉敏（Carman）、海俊傑（Gabriel）、朱斐斐（Fei Fei）、甄咏珊（Carisa）及女團UNi成員思澄齊齊現身拜神，場面熱鬧！

關嘉敏不停切換角色：古代公主VS現代老師

今次是Carman首次榮升女主角，即要面對高難度挑戰，一人分飾兩角，分別是古代武功高強的「長公主」與現代的「班主任」，全程在兩種模式之間極速切換！

Carman興奮表示：「好多謝監製同導演俾機會我哋呀！」為了演好角色，她做足功課：「我開拍前睇劇本已經睇到唔捨得瞓！不過因為係內地編劇，我特登喺上廣州前，用咗幾日時間將成個劇本翻譯做廣東話，等自己更容易投入。」

她透露演出難度極高：「拍攝時要不停喺古代同現代模式之間跳轉，對白一時係文言文，一時要口語化，好刺激！」除了文戲，武打場面亦是一大挑戰：「套劇有好多動作戲，好好玩！不過拍攝時間真係好急，一日拍足30幾組戲，由朝拍到晚，每日只係瞓到兩、三個鐘！」

談到拍攝趣事，Carman笑說：「最好笑今次演員都來自不同地方，大家都未必聽得明對方嘅語言，雙方都係靠對手嘅語氣去接戲，成個過程好有火花！」

Carman直言一星期內要極速拍晒70集，節奏極度緊湊，但非常享受：「女一真係唔易做，但今次絕對係一個好好嘅體驗，玩得好開心，係一大突破！」

海俊傑首次拍短劇：節奏好快

男主角海俊傑同樣是首次挑戰短劇，他坦言節奏快得驚人：「劇情濃縮，每個鏡頭1-2 Take就搞掂，真是挑戰記憶力同演技！」雖然拍攝期短，但他大讚南沙環境優美，與同門師妺關嘉敏繼《巾幗梟雄之懸崖》後再次合作，今次的默契更勝之前。

除了男女主角，劇組還邀得朱斐斐Fei Fei及女團UNi的思澄參演。斐斐表示角色是一位深受男同學歡迎嘅老師，劇中有突破性演出，係拍劇生涯中最具挑戰性，而Uni成員思澄首次拍劇，則會展現與女團形象不同的一面，令人期待。