詹天文國慶賽馬日勁歌熱舞 人生首次買馬即中22倍獨贏威盡全場

為慶祝國慶，「聲夢小花」詹天文（Windy）現身沙田馬場擔任表演嘉賓。佢以招牌瘦腰造型登場，近200名「天文台」粉絲仲特登著住國慶賽馬日限定會服，晨早就入場霸位撐偶像！

兩Part歌舞High爆馬場
Windy今次演出分兩部分：頭Part獨唱環節，佢先獻唱經典英文歌《Rolling in the Deep》，再跳唱自家作品《大雕刻家》，勁歌熱舞睇到觀眾拍爛手掌；第二Part就同Yumi 合力帶來多手跳唱Medley串燒，全場氣氛即刻變得更加火熱！

馬場首show感動興奮
第一次喺馬場表演嘅Windy勁興奮：「國慶日喺呢度演出真係好榮幸！見到成班fans著齊限定T-shirt嚟撐場，真係好興奮亦好感恩，多謝大家畀我咁大力量！」

新手運中冷門威做「馬場大亨」
最爆笑係Windy膽粗粗學人「買馬仔」，竟然喺第八場買中22倍冷門獨贏！Windy 即走去櫃枱攞彩金時仲難以置信：「嘩！第一次買就買中，癲㗎！」有粉絲見狀即起哄封Windy做「新一代馬場大亨」，現場氣氛歡樂又搞笑！

《巨塔之后》插曲大受好評
熱播劇巨塔之后插曲《序章。結局》在網絡上大受好評及歡迎！Windy.對歌曲有好成績，感到非常感恩及多謝大家喜愛！希望大家繼續多多關注及支持《巨塔之后》。