Yumi 鍾柔美新歌《不欠你一個朋友》MV 演技大爆發演情傷喊戲

Yumi鍾柔美推出全新單曲《不欠你一個朋友》，有別於以往跳唱的形象，今次新歌是慢板情歌，唱出Gen Z少女「沉錯船」(喜歡了不合適對象)的心聲，到頭來得場空，其實對方是「中央暖爐爐」(對任何女生都一樣好的男生)，發現自己自作多情心痛過後只好離開。為配合歌曲故事，Yumi演技大爆發有一埸喊戲特寫鏡頭，見她淚珠從眼眶緩緩落下，男主角欲伸手為她抹眼淚，Yumi心碎擰轉頭，畫面令人動容。Yumi說：「呢一場我喊咗好多次，完全代入咗首歌入面，好入戲，希望大家都feel我幾傷心啦。」

今次《不欠你一個朋友》MV落足心機拍攝，花費15小時走訪7個地點取景之餘，Yumi更與男主角甜蜜互動頭貼頭喝飲品，又換上華麗晚裝坐在三角鋼琴面前長裙自彈自唱，為此她特意苦練鋼琴。Yumi說：「多謝通利琴利sponsor一個咁靚咁優雅嘅三角琴俾我拍MV，我第一次喺戶外大草地度彈琴，感覺好新奇，希望大家會見到我唔同一面啦。」

其實Yumi對今次拍攝期待已久，事關之前天氣不穩颱風暴雨頻密，由7月中改期改到8月中才能開鏡，幸好拍攝當日天公造美，花費近15小時完成拍攝。Yumi又提到：「慢歌對我嚟講係一個大挑戰，慢歌唔係自己強項，花咗好多時間錄音，要好好處理情感嘅演繹，好多謝監製小彤好有耐性陪伴住我。我帶住呢份感覺去拍MV，好快就入到戲，希望大家會鍾意我呢個新嘗試啦。」