李紫昕密羅緊鼓為音樂劇忙不停

剛過去的｢香港2025貓迷博覽會｣，兒歌天后李紫昕Purple姐姐榮幸獲邀擔任開幕禮之表演嘉賓，為配合大會活動主題，當日演出的小朋友均穿上可愛貓咪服裝，造型非常可愛，而Purple也戴上貓耳頭飾，也得到觀眾讚不絕口！

Purple表示 : 依家密羅緊鼓忙緊音樂劇，又要出席宣傳活動，之前出席貓迷博覽會及喺西九龍中心舉辦宣傳見面會，仲有今個週五公演嘅台長奇遇記，真係馬不停蹄，工作真係好多，成個暑假排到密，簡直抖唔過氣，都係迎接嚟近嘅十周年活動， 雖然台長未正式開 Show，但已經有幾場爆滿，真係叫做一票難求，連啲飛都爭得好緊要，大家都要搶購得好犀利，而Dr. Kong嘅換飛活動都好快脆被歌迷及戲迷換晒，反應非常熱烈，所以特別感謝大家嘅支持。其實大家都好期待睇呢個 show，自己亦都加咗好多新嘅元素落去，同埋換了好多唔同嘅新拍檔，所以都係全新嘅劇，去畀大家呢個特別版，而我本身系好鐘意呢個特別版台長奇遇記嘅，因為有不少記錄自己成長嘅故事，裏面當然有真人真事也有虛構，大家都睇得好開心，亦都係而家好興嘅兒童劇裏面但竟然系講一啲大女主角奮鬥嘅歷史，亦都提出逆境自強的故事，全劇充滿正能量，係一套好適合大人小朋友睇嘅音樂劇。