姚焯菲粉絲聚會《Summer Gathering 2025》圓滿舉行 樂易玲 海兒 《聲夢》好友等出席

姚焯菲官方後援會 (CFC)八月三日於旺角一所五星級酒店，舉辦今年首次姚焯菲粉絲聚會。除了數以百計「小菲象」出席外，電視廣播有限公司（TVB）助理總經理（藝員管理及發展）樂易玲小姐；Chantel於《三八》舞台劇的戰友海兒；以及Chantel的《聲夢傳奇》戰友，包括潘靜文、林智樂、黃奕斌及蔡愷穎等均有出席。Chantel新歌《KMC》的MV男主角，更驚喜現身！

TVB助理總經理（藝員管理及發展）樂易玲小姐，攜同兩名公子，親身出席是次《Summer Gathering 2025》。她在致辭時向Chantel說：「我由2020年開始見妳，發現妳幾年來雖然不斷長大，但都越來越甜美。其他更加唔洗講：唱歌越來越進步、第一次做舞台劇就有咁好成績，我真係要代表妳爸爸媽媽同埋fans，覺得好驕傲！今日這個fans meeting，妳嘅聲夢戰友、舞台劇戰友、音樂老師等都來到，就知道你係一個好有愛心，又容易相處嘅人。最後好佩服你嘅fans，搞咗一個咁盛大的fans meeting，連我生日都未必搵到一個咁大嘅場！」

Chantel於《Summer Gathering 2025》期間，首次現場演繹剛推出的新歌《KMC》。這首新歌，標誌著Chantel音樂事業上的突破，除了是她首次參與作曲外，更是首次MV有男主角，加上有少許親密鏡頭！ CFC更特意安排MV的男主角李潤東Dave，在Chantel演唱《KMC》期間突然現身，令Chantel十分驚喜！Dave亦分享MV拍攝期間趣事：「一開始拍依個MV，我都好緊張，好多謝Chantel一直同我傾計，令大家越來越有默契。」他更打趣說：「雖然我同Chantel有唔少親密鏡頭，但相信Chantel fans都好好人，唔會打我嘅！」

Chantel亦分享拍攝MV期間的趣事，她說：「我記得有一幕係我要餵佢食粟米，但其實粟米係上一晚已經準備好。所以佢係要每隔30秒就將粟米吐出來。加上我地大熱天時，去咗好幾個地方，例如天星小輪、中環碼頭等，所以真係辛苦曬Dave！」

Chantel亦與幾位出席的嘉賓，包括海兒、潘靜文、林智樂、黃奕斌及蔡愷穎等，以及她的「小菲象」粉絲，大玩「整蛋糕」遊戲。他們分組即場在西餅師傅的指導下製作蛋糕，期間笑料百出！潘靜文、林智樂、黃奕斌及蔡愷穎一組，將忌廉搽上蛋糕時，快速轉動蛋糕令它解體，場面爆笑！不過，最後他們均順利完成任務，以短短的時間，製作出精美蛋糕。

接近活動尾聲，Chantel更主動走到台下互動，一邊派發紀念品，一邊唱出她的個人單曲《#BFF》。她也直言，希望透過這首以友情為主題的歌，感謝大家一直以來的陪伴。