《 IAN CHAN “TEARS” IN MY SIGHT SOLO CONCERT TOUR 2025》終極尾場 颱風下為巡唱畫完美句號

Ian陳卓賢《 IAN CHAN “TEARS” IN MY SIGHT SOLO CONCERT TOUR 2025》從去年7月19日香港亞洲國際博覽館啟航，經歷英國、澳洲等多站演出，Ian以真摯歌聲與音樂才華征服海外樂迷，尾站昨晚（19/7）在澳門的銀河綜藝館舉行。演唱會雖然在颱風天氣下提早30分鐘開場，但無損場內氣氛熾熱，Ian更感謝大家無懼風雨前來欣賞演出，而在第二次encore詢眾要求下，Ian首唱新歌《樹會流眼淚》，為整個海外巡唱畫下完美句號。

颱風「韋帕」之前逼近港澳，演唱會主辦方光尚娛樂安全起見，昨日下午宣布提早30分鐘開騷在黃昏六時半舉行，所以在開場唱出《Lost at first sight》及《DWBF》後，Ian感謝觀眾風雨不改支持，說：「Hello大家好，歡迎嚟到《 IAN CHAN “TEARS” IN MY SIGHT SOLO CONCERT TOUR 2025》尾站嘅最後一場，好多謝大家無懼風雨，都嚟到呢度，好多謝你哋。今晚呢個場就好free嘅，雖然出面好似落好大雨咁，但係呢度好安全，大家亦可以想做乜就做乜，想笑就笑，喊就喊，想企起身就企起身，想坐低就坐低，所以希望大家可以盡情享受。」Ian隨後又窩心說道：「今日提前咗開始，希望大家可以返到屋企，因為知道除咗澳門，仲有香港同其他地方嘅朋友仔，大家返屋企都要啲時間，所以今晚捉緊時間，多謝大家嘅陪伴，雖然早咗完 ，但係都唔會cut歌嘅，我唔係好叻talk，就不如盡量啲talk位減少。」接著Ian便一口氣唱出〈Distance〉、〈Thank You Mr. Postman〉、〈地球上的最後一朵花〉、〈鯨落〉、〈另一個諾貝爾〉、〈留一天與你喘息〉等大熱作品，演唱會上Ian更不時派心派飛吻，令一班fans開心尖叫。

作為巡演最尾之作，Ian特別為澳門場準備驚喜，在第二次encore時，斜揹著貌似愛犬雞脾的毛袋可愛登場，在觀眾的踴躍發聲投票下，Ian首度公開演唱全新作品《樹會流眼淚》。新歌以「樹」為意象，細膩描繪一段沉默而深情的守護，歌詞「這棵守在窗邊的大樹，日夜默默看顧窗內的你」延續他一貫內斂的情感表達，呼應過往作品如《留一天與你喘息》的溫暖陪伴，以及《地球上的最後一朵花》的孤獨哲思。Ian以標誌性的溫柔聲線，演繹「樹為你流眼淚」的無悔付出，令全場動容。接著Ian又表示：「今日咁早同大家Bye Bye，又唔係幾好，有冇人今晚返到屋企仲可以開IG Live?」當聽到全場尖叫，Ian 即相約大家網上見，然後他再唱出《背伴》及再演繹一次《DWBF》，演唱會便告圓滿結束。