盧瀚霆《Anson Lo & Sontos – Together We Glow Popup Store》 小神徒即席跳舞為偶像生日送祝福
盧瀚霆國際後援會舉辦《Anson Lo & Sontos – Together We Glow Popup Store》於6月27日至7月11日在九龍塘又一城舉行慶祝活動，讓神徒一起參與。
神徒可於會場內自製「神徒專屬」生日卡，更可即場隨機抽取收藏卡、 製作紀念鑄幣等。當中紅粉緋緋的Fortune cookies（幸運曲奇）最受歡迎，每星期有7款不同籤文，內容更由Anson Lo親筆撰寫，極具收藏價值！
呢日綽號「神徒婆婆」的樂迷帶同外孫現身，她表示湊孫時睇MV，不知不覺間令外孫亦成為「神徒」，成為另類親子活動：「平時我都會買網上個唱門票，將成屋佈置好一齊睇騷！因為Anson Lo好孝順、好堅持，呢啲都值得孫仔學習！」而呢一對神徒父妻檔撐場，他表示受太太影響而一同追星：「睇佢啲MV真係好似『摩打腳』咁，真係好厲害！在老婆心中Anson Lo一定比我靚仔，但我就是成熟的！」
同場的「小神徒」即場跳舞大騷《Hey Hey OK》外，亦親手畫畫為偶像生日祝福：「呢幅畫我畫咗成日，希望在生日會當晚送給Anson Lo！希望他生日快樂、身體健康，早日可以再做運動。」
《Anson Lo & Sontos – Together We Glow Popup Store》詳情
日期：2025年6月27日至7月11日（首日將於預覽活動後下午5時開放）
時間：中午12時至晚上9時
地點：又一城LG2層
