VAL趙展彤推出英文歌感謝《DADDY》 自爆邀爹哋合作冇抗拒 趙父原來唱得又演得

趙展彤（VAL）相隔兩年，將於明日（15日）再度推出英文歌曲《DADDY》，更一手包辦曲詞，加入父女二人的趣事。適逢父親節，她希望透過歌曲表達對爸爸的愛意同感謝，新歌尾段更邀請爸爸合唱。

於父親節前夕推出新歌《DADDY》，VAL表示作為父親的小女孩，希望能透過歌詞珍惜父女情，她說：「細個冇好好把握同爹哋相處嘅時間，注重朋輩關係，要求爹哋唔好再接我返學，但隨着我日漸長大，見到爹哋臉上皺紋越來越多，開始後悔之前放棄咗咁多可以同佢相處嘅時光。」她續指今次撇開商業考慮去做歌曲：「出英文歌對我嚟講錄音時會簡單啲，因為自己細過聽開英文歌多，成個flow會順啲同自己最鍾意嘅風格。」

《DADDY》找來一名俄羅斯導演參與製作MV，VAL大讚對方思想及想法很新穎，天馬行空的創作亦很出色。而今次亦有3名外籍男子參與拍攝，連VAL笑稱可趁機開心「昅仔」。但最重要的主角，莫過於首次「獻sing」的趙爸爸，VAL說：「爹哋比較緊張，雖然佢只唱一句，但錄音比我想像中耐。」VAL坦言今次父親未有抗拒「父女檔」合作：「佢應該想同個女喺音樂上有交流。因為佢好鍾意音樂，後生時唱Opera（歌劇）。」除喜歡唱歌外，趙父原來亦是好戲之人，VAL續說：「好多時導演叫佢就做到，冇諗過佢好有『戲』，初次嘗試嚟講佢係勁。」另一場與父親共舞的場口，VAL笑指父親跳舞時的樣子很尷尬。

講到與爸爸的父女情，VAL透露家父屬嚴父，小時候父親希望她努力讀書，不要經常打機：「偏偏我細個時好鍾意打NDS，成日要避開他偷偷打機。」她很記得有次被父親發現打機而捱罵，笑言：「我為咗打機扮去廁所，將NDS塞入內褲，再入廁所打機，之後更型成習慣。」

此外，VAL早前於網上徵集新歌宣傳方法，收到近百建議。有歌迷提議她閃街頭busking，「巡迴18區邊走邊唱新歌」、「搵產品代言連繫埋首新歌」，亦有提議她搵其他歌手一齊拍Cover。而她暫時會與由彭家賢、侯雋熙、陳昊廷、江廷慧及李茵彤組成《聲夢傳奇2》小隊組成的Plan V合作，另外會與教會牧師拍片。