《查無此人》吉隆坡首映墟冚 鄒文正被圍感受大馬觀眾熱情 陳善渝遇忠粉跟足全程 余凱祺鯨吞榴槤驅攰氣
由導演孫立基執導兼監製、鄭峰嵐聯合監製、Up Media與動力文化聯合出品、本地首部以身份被盜竊為題材的奇情高智犯罪片《查無此人》,正式衝出香港並於今日(6/6)在馬來西亞上映。主創團隊日前率領男女主角鄒文正、余凱祺(Kaylee)及陳善渝(Odi)前往吉隆坡出席發布會及首映,眾人於當地戲院出席首映禮時,現場觀眾十分熱情,歡呼不絕更不時大叫鄒文正「靚仔」,又圍攏演員合照簽名;而Odi更遇上男忠粉,對方接機再跟到首映,令她大感驚喜。
鄒文正首赴大馬宣傳心情興奮,他說:「今次馬來西亞嘅行程可以代表香港電影嘅一小隊,好開心自己有份做嘅電影可以行出香港到馬來西亞同大家見面,對於自己嚟講係一個好大突破。其次係因為搞咗個首映,覺得呢邊嘅觀眾朋友相當之熱情,佢哋對於港產片好支持,會上網check好多資料,現場好有氣氛,希望佢哋留意到其實我哋香港電影有唔同嘅嘅題材,雖然可能唔係好大嘅製作,但係都會係一個好用心嘅製作。」
【觀眾一呼百應演員感動】
是次大馬之旅三日兩夜行程緊密,Odi最深刻係感受當地觀眾的熱情,以及fans在機場等候落機上機,「真係好多謝佢哋咁熱情,令到我哋更加有信心,幾肯定我哋今次嘅到訪令大家關係拉近咗同更認識《查無此人》。」凱祺亦對觀眾熱情感震驚:「成日聽話馬拉觀眾或者fans好熱情,你去到現場感受係另一種感覺,佢哋嘅歡呼聲、嗌出嚟、互動呀,就算第一次見,我係一個新人,但係司儀講完余凱祺個名,觀眾已經即刻repeat大叫,話畀多啲聲嚟聽下就會一呼百應,嘩,我哋非常之感動!」
Odi本來打算抽空逛商場,可惜行程極密沒時間,而且太攰無精力,但當地發行公司的工作人員很細心,請她們吃特色食品,上機前又特別帶眾人去食榴槤大快朵頤。講到食凱祺就最開心,即刻精神晒,她笑說:「完咗發布會同首映後可以開始食嘢放肆,我一下就食咗五嚿榴槤,呢五隻榴槤都唔同味,食落去超級好味,真係好興奮刺激。」
【Up Media與大馬片商合作開三戲】
此外,UP Media CEO黎競文與 Elepfilm Entertainment 首席執行員楊景森於電影發布會上亦簽署備忘錄, 預告兩方將有更多合作的電影作品,現時已有《常寂圓》、《反千》和《彩票之王》3 個項目進行中,未來會推出更多不同題材的電影。