最好就留喺屋企同家人食返個羊腩煲暖暖身！
六公館推出蝴蝶羊腩煲，足足有四人份量！
選用東山蝴蝶腩，肥而不膩、食無膻味，仲有滋補養顏防濕熱嘅功效㗎～女士們一定要試吓啦～
食落肉質好滑嫩，骨腩位於羊胸腹肋骨位置，皮脂分明就好似五花肉咁，口感軟硬有致， 由於形似蝴蝶翅膀，又稱蝴蝶腩，喺羊腩中的極品！
配上廖孖記嘅腐乳同南乳，真喺超好味呀！
湯底仲有枝竹、日本花菇、日本青蒜仔、新鮮馬蹄、鮮冬筍，湯底濃稀度適中，鮮甜香濃，送飯一流！
特別推介個叉燒真係好美味，靚叉燒真係唔同啲，食落超鬆軟，有一種入口即溶嘅感覺！
