葉文龍執導 All For One新歌《點火》殺青

新進組合 All For One新歌《點火》日前進行MV拍攝,邀請了葉文龍擔任導演,經過多日籌備開機拍攝,最終順利殺青。葉導將All For One 組合「用到盡」,拍攝過程葉導經常個别拍攝成員近鏡,要求各成員七情上面,務求透過畫面中嘅樣子,將歌曲中嘅意思吶喊岀嚟。

一般樂隊拍攝MV,焦點往往都係放在主音歌手上,但葉導偏偏用上大量時間個别捕捉各個樂手神情,原因係葉導認為一班有火嘅年輕人組成一隊band隊,其實每位都竭盡全力付出一切先可以成事,所以唔想跟隨主流拍攝方法,令到有成員被埋沒喺鏡頭下。今次有兩個拍攝大方向,第一係拍岀歌曲中嘅朋友理念同信息,第二係要呈現每一位樂隊成員獨特嘅個人魅力,拍岀佢地最型嘅一面。

All For One 是一隊香港樂隊,由主音歌手Aiden(李建龍)、吉他手Fun(龔俊熏)、吉他手Coolman(莊梓朗)、貝斯手 Ivan(曾瑋釗)及鼓手 Eric(劉宇霆) 組成。半年前一次微電影比賽機偶,開始著手制作《點火》,由作曲編曲錄製都由All For One 一手一腳包辦,相信MV將來發放,粉絲們可以大飽眼福。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。