雷深如為同期好姐妹許靖韻”My25 Live”演唱會做嘉賓


日前,許靖韻於九龍灣國際展貿中心Music Zone舉行 “My25 Live” 演唱會2019。雷深如 J.Arie 出席支持擔任演出嘉賓。 J.Arie說:我同Angela許靖韻同樣都係2013年既新人,通常新人都會有好多訪問係一齊做,同埋頒獎典禮都會一齊有表演。尤其係新人嗰年,我同Angela都會成日出嚟食飯,乜都會傾,包括愛情野,我可以話佢係圈中數一數二好真嘅人!



今次Angela第一次喺香港開show, 佢記得我呢位同佢一齊成長嘅朋友,邀請我做嘉賓,我覺得好驚喜好榮幸,我亦都好為佢而感到驕傲!因為我知道佢而家香港內地兩邊走好辛苦,但係發展得好好!我從來未唱過rock歌,第一次唱就係今次同Angela一齊唱左佢之前喺內地節目《歌手》入邊唱過嘅《我恨我癡心》中文版加英文版。

之後我就在唱左第一次live,我為ViuTv 10月電視劇《假設性無罪》創作嘅主題曲 《風雨花》,我見到台下面有觀眾竟然識唱晒全首歌,完show後有不少觀眾叫我”細V”呢個角色名,因為嗰套電視劇我都有份演。我真心覺得好驚訝:原來觀眾同埋聽眾一直都冇離開過,都知道我嘅動向!希望我12月不同場合嘅live shows,可以分享我創作嘅音樂俾大家,同埋今年繼續寫更多嘅歌,下年可以有不同感覺嘅作品面世!大家記住留意我唔同嘅新合作單位啊!

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。