董敏莉拍《姜.美養顏館》瘦身廣告

董敏莉日前為《姜.美養顏館》拍攝網絡短片,宣傳產婦修身療程。Monie要露出香肩拍攝,其中一幕更男扮女裝上陣,造型搞笑!董敏莉就話今次犧牲甚大,要暴露自己的「缺陷」:「因為講到產後瘦身,今次係拍療程前的狀況,Bye-Bye肉、肚腩都比人拍晒大特寫,仲要公開埋我產後腰圍數字!平時我都唔敢度幾多吋,今次我豁出去聽佢地想點拍就點拍!」。

董敏莉就話今次贊助來得及時,完成療程後可開工拍攝ViuTV劇集:「之前一直都未修身,諗住殺到埋身先算,今次拍呢個短片順便瘦身,點知已經收到消息要拍Viutv新劇,仲好似有床戲激吻,到時就可以執正啲上鏡。」

Monie就爆今次短片拍攝十幾小時,已經不捨得愛囡子子,不時視頻查看情況:「點可能放心!我不時視頻睇佢做緊乜、食唔食得飽,仲要途中走開泵奶,希望冇阻到拍攝進度!」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。