朱晨麗拍《大醬園》外景曝曬休克中暑


無綫花旦朱晨麗仍然忙於拍攝新劇《大醬園》。據悉由於劇情牽涉製作豉油工序,故外景頗多,朱朱為求演出神似,經常「唔錫身」落手落腳去洗缸等,由於天氣越來越熱加上休息不足,日前她於外景場地突然休克暈倒,要麻煩工作人員幫她即場撥扇及搽精油降溫,最後更驚動監製到場地慰問。

朱朱表示:「以前我好似隻牛咁捱得,但今年天氣特別熱,加上近呢3年自己除咗拍劇,真係冇乜點放過假,近期都發現身體的確弱咗好多,而當日又冇乜瞓過,結果搞到曬一曬就即場暈咗。」而在中暑暈倒之前,感覺有點怪怪的唔舒服,還不以為意用手機玩自拍,期間就知不知道暈低。朱朱乘機呼籲大家戶外活動期間,要注意防曬功夫。

談到監製梁材遠聞訊後特意前來慰問,朱朱靦腆謂:「估唔到搞到咁大陣仗。其實呢套劇大家合作得好開心,有時趕戲好辛苦,一眾女演員好似我同楊卓娜咁,會排隊按摩,幫彼此減壓,之前又寓工作於娛樂齊齊包糭應節,真係好有愛。」

浩楠

Stars-hk 創辦人, 希望建立一個只談專業, 不談八卦的娛樂資訊網站。 STARSHK 總監, 星雨文化 董事, 藝人及名人管理, 項目:OTO 平台Artist-HK,活動統籌,