袁潔儀讚譚玉瑛係「不老女神」 昔日兒童節目主持首度合作

曾經分別是無綫和亞視兒童節目主持人的譚玉瑛和袁潔儀,日期在鑽石山為電影《小英雄大銀幕》開工,同場演員還有胡櫻汶、李文標等,他們在片中與過百位小朋友一起拍攝。對於兩位昔日兒童節目icon今次首度合作,袁潔儀反問譚玉瑛是否記得19年前首次見面,當時曾替一間雜誌拍照?譚玉瑛說:「我記得,不過唔記得年份,你真係好記性。」潔儀姐姐大讚對方是「不老的女神」。

與小朋友合作是否有一定難度?譚玉瑛說:「我覺得唔難搞,因為我唔搞佢哋,如果唔聽話,會有人幫手,其實小朋友嚟得電視台都係精靈一族,只不過有時佢哋貪玩,呢啲係佢哋嘅天性。」袁潔儀表示曾接觸不同年齡的小朋友,應付他們的方法亦有所不同。兩人雖然對應付小朋友有一套,但她們沒想過生小朋友,袁潔儀笑說:「香港生活壓力比較大,如果生咗小朋友出嚟,佢承受壓力都大,我覺得不如算啦,唔生,後來結婚,其實都想要,但因為年紀太大。」譚玉瑛說:「作為女性,喺感性上係想做媽媽,但我嘅理性往往強過我嘅感性,於是我衡量過自己嘅做人方針,我就覺得冇(小朋友)係對我好。」電影亦獲得非牟利機構香港家庭調解協會及健康家庭及青年發展中心全力支持,史無前例有近100名小朋友參與拍攝。

另近年經常「夫妻檔」登台的胡櫻汶和李文標,在戲中,前者飾演一位負責教中、英文老師,後者則扮演保鑣。胡櫻汶表示與小朋友合作有一定的難度,「頭先喺化妝間,有啲完全不受控,坐唔定,所以有啲擔心。」李文標說:「其實我哋都做過小朋友 ,理解嘅,我對小朋友係有啲耐性,應付小朋友係有方法,頭先佢哋見到我都定定地。」胡櫻汶笑說:「你做保鑣,驚咗你。」不過在場的小朋友均很精靈,期待新影上演賣座成功!

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。