黃建東扮「偽瓔珞」超似太后

藝人黃建東 (東東)最近拍攝 TVB特備節目《延禧南巡》裏面的搞笑片,與 Bob、蝦頭、何遠東一齊扮裏面的主角,阿東獲派扮演《延禧攻略》魏瑛珞驚喜不已:「我本身是延禧超級粉絲,呢幾個禮拜晚晚煲劇到朝早八點先瞓,個黑眼圈大過熊貓。我本人最鍾意女主角吳謹言,佢做得好好,所以知道可以扮佢好興奮。點知扮出嚟個個話好似太后或者裕太妃,仲話我似假扮太后嘅嬤嬤,要即刻賜我毒酒同埋一掌打我入冷宮,笑死我。」
東東一向鬼主意多多,見到些道具指甲就發現原來可以搔頭同撩牙,令幕後人員哭笑不得:「一知道同呢班TVB最好笑嘅同事合作時真係好興奮,特別開心今次再同蝦頭合作,自從上年合作拍攝聖誕搞笑片後已經好掛住佢覺得佢好正。最爆係 Bob嘅爾晴,佢乜嘢都唔使做淨係個look已經好好笑。」
東東坦言從來不是追星分子,但當知道幾位主角會入電視城拍攝節目時真係好想扮開工入去同佢地影相,但最後驚被人笑所以最終放棄。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。