莊思敏任酒吧活動評判 鐘意男仔有一技之長

名模莊思敏(Jacquelin)於其銅鑼灣SPIRIT SPORTS BAR酒吧與形象指導許嘉浩(Karl)為BeerPong終極擂台爭霸戰比賽擔任評判。Jacquelin話佢呢間以運動為題嘅酒吧開左一段時間客人愈嚟愈多,客人放左工都習慣約好三五知己上嚟玩下BeerPong投球遊戲,飲番杯。有見及此,今次自己酒吧攞左港幣現金獎一萬蚊出黎比終極優勝者。而呢個終極戰嘅十六個參賽者喺由今年一月已經開始參戰鬥到入終極賽,仲有啲參賽者曾代表香港參加BeerPong大賽贏左好多奬項,真喺高手雲集。

問到身高達179cm的Jacquelin天生咁高玩BeerPong會否有優勢? 佢話手長腳長對於投球角度距離都佔優,但最重要喺比賽經驗加上即場運氣。見到Jacquelin女神有同在場參加者落力打氣,會否對運動型嘅男仔加分? 佢話在場見到有男參賽者鬥心好強,好努力奮鬥比賽追分。會覺得有一技之長同專心鑽研技能嘅男仔好Charm! 問到近況,腳頭幾好嘅Jacquelin表示首次任電影出品人的電影《逆流大叔》收得好好,直踩到中秋檔期,希望大家可以繼續多多支持,更考慮拉大隊到自己酒吧大搞慶功。

投資電影上癮的Jacquelin直言將物色更多好電影,鍾意有本土文化同相當勵志的故事! 同時兼顧幕前演出的她預計將於九月開拍電影《女子監獄》飾演一個女Madam,將同周秀娜、吳千語等演對手戲。同場任評判的許嘉浩(Karl Hui)表示很多年前讀書時期到美國做暑期交流時在當地已經相當流行,近年在香港也漸漸普及。

經常在旁偷師的Karl看到投球時手要直和保持90度角的竅門,更將加緊練習為即將在中秋佳節舉行的慈善名人賽一試身手。談到拍攝工作,Karl將於九月份爲面包台開拍新一輯論盡娛樂新鮮熱辣新聞的新節目,屆時將訪問每周最熱話的新聞人物。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。