長假期Hold哂 趙哲妤帶愛囡親製手工藝

復活節長假期好多家庭都選擇出埠旅行,抓緊同愛女共渡每一個節日的趙哲妤(Uny)一早Hold好檔期,帶同愛女小魚(Natalie) 到太古出席《康怡廣場 Kornhill Plaza – 夢幻拼豆工作坊》,現在湊女為樂既趙哲妤,仲親手製作兔子造型吊飾送比囡囡,慶祝復活節。問到小魚今日表現如何?Uny:「小魚好乖呀,佢見到我專心做緊手工藝,佢就坐係我大脾度陪住我。


商場活動人多,佢唔怕人不特止,仲同其他小朋友打成一片,攬住d復活節兔兔公仔影相!」以後是不是會更多以親子檔出活動?佢就話順其自然:「因為香港d學校復活節假期巳開始,帶埋小魚黎等佢多d機會同其他小朋友玩,學野會快d。有得玩既活動就會帶埋佢,等佢開心下。平日登台同拍攝工作忙碌,想爭取更多既親子時間。」


愛女深切形象深入民心,趙哲妤(Uny)更於放長假期前拍攝好「兒童節宣傳短片」,並在社交平台表示:「我想說,我真是非常喜愛小朋友![爱心] 對着他們的那種耐性,是與生俱來的!內裡就是滿滿的愛心~* 。」仲特別hashtag 「#我喜歡與小朋友在一起。」被問到拍攝有咩趣事?Uny說:「拍攝每一刻都是趣事,現場十個八個小朋友,每位個性都獨特,可愛得叫我心花怒放,我和他們相處是零難度,我還和其中一位小朋友的媽媽成為朋友,交流育兒同升學心德。」妳BB歲半就諗升學?「唔係,因為我太愛亞女啦,盡力一切未雨綢繆,同其他媽媽交流為佢吸收更多育兒知識,希望佢健康成長。」長假期mark好哂時間陪囡囡,仲有時間進行拍攝和北上登台,當一個家庭與事業兼顧的好媽媽確實不簡單。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。