白健恩拍戲搏到盡任打


香港地做演員搵食艱難,白健恩(小白)入行唔經唔覺踏入第七個年頭。自從離開TVB,經理人小婷搏老命不斷為小白爭取電影演出機會。今年小白總算捱出頭,除咗於三月尾跟經理人一齊過檔簽蕭定一公司,又順利殺入國內市場被多位國內投資者及導演賞識。

2017年到目前為止小白已拍了六部網絡電影, 剛剛完成了籌備超過一年的《潮州幫》,據知導演畢基拍戲認真,亦出名喜歡虐待演員! 在創作劇本時, 設定這個男一大反派必定非小白莫屬;即時問小白,接拍這部超級網大時有冇擔心導演會虐待佢?小白表示:「做得大反派又係這類片種預咗畀人打, 我最鍾意打,所以同導演講我可以去到好盡你鍾意點打就點打! 但當然要被打得有道理啦! 戲中我飾演潮順集團股東《陸國華》,為得到主席位置,聯同黑幫老大由吳毅將飾演嘅《太子》殺害鄭坤, 因而引發一連串耐人尋味嘅故事」。


導演聽到小白話可以任打即時加戲比小白! 除咗掟小白落水又困鐵籠任打,日前拍攝位於拳館,小白一到場便剝光豬展現健碩身型, 做掌上壓拉筋熱身樣樣齊… 小白表示:<其實我一向有跟徐家傑師傅練拳所以打拳對我完全冇難度,但今次遇著高大威猛吳毅將大哥 ,淨係睇佢身形我已經嚇到退後幾步,面對咁專業嘅演員我當然 要求打真軍埋身肉搏叫大哥唔使留情即管用力踢, 出嚟效果先夠逼真! 拍攝時完全唔覺得痛, 點知一拍完雙腳麻痺企都企唔穩!

拍攝完後忍不住訪問導演,對小白這位演員有什麼評價?
導演畢基表示: 「 小白真人同拍戲好大反差, 平時接觸佢靜到烏蠅飛過都聽到,不過一同佢討論劇本,佢即時好有主見,提供好多有建設性既演譯,拍攝動作鏡頭做足準備功夫,又唔錫身,夠搏命!令到全部演員包括馬賽、盧海鵬 (鵬哥)、 吳毅將、 李子雄、施駿喆Jason等等都合作拍攝得好順利! 」老闆亦有在場睇拍攝, 對小白的瞓身演出非常滿意, 又大讚一眾演員腳頭好, 正籌備開拍第二集, 小白真的如願以償,長拍長有!

浩楠

Stars-hk 創辦人, 希望建立一個只談專業, 不談八卦的娛樂資訊網站。 STARSHK 總監, 星雨文化 董事, 藝人及名人管理, 項目:OTO 平台Artist-HK,活動統籌,