[K韓公社]那些年我遇過的韓星—–EXO篇

前兩日,韓國人氣男子組合EXO又黎香港開SHOW!一眾迷妹們又陷入左瘋狂狀態喇!一睇到佢地,就諗起一段好樣衰既過往,講真又真係幾有緣ga….(純個人感覺XD)

想當年仲係年輕少艾一個,過住有反工無放工既灰姑娘生活,就係某一日下午,我最不修邊幅,完全攰到唔想同人類溝通既時間,就聽到一眾同僚話有韓星黎拍野,我即刻冷靜回應:「嚇鬼咩!」,就頭也不回地去食個飯再補個眠先開工…..

一食完野落反錄影廠,同事們都知我偽韓友一名,就即刻對我狂呼:「阿妹!真係韓星呀!叫EXO既一隊組合!成十幾個人架!你人生有幾可比仔圍呀!」,(留意反~~因為個時EXO岩岩出道無耐仲係12個人,在下只知道呢個組合名,仲未知有咩人咩底細^_^請諒解唷…)個下個腦係「噹」一聲,因為本人呢刻同流浪漢無分別=__=……而我既師兄們「懶」醒咁拎住一本雜誌係我面前話:「阿妹!我醒呀,拎左本野黎認人!」,我:「SUPER JUNIOR黎架wor..=_=”」「@[email protected]?FXXK…」,而個日都拍住個好可愛既導演,佢同我講:「我都好緊張呀!咁陣間就交比你去溝通喇,如果有咩搵我話我唔係到!XD」仲下令要不停播放佢地首歌直到我地全部都熟哂為止!

 

而就係同事們同我爭論個EXO讀音點讀先岩既時候,個時小妹仲有眼不識泰山地咆哮:「EXO咪EXO囉!唔係E.X.O呀!是但啦!都唔紅!>0<」個一刻,我感覺世界突然寧靜左,而同事都開始乾咳,我心諗咩料!?慢慢望向我背後,有一個著黑衫好高大既人影漸漸出現係我眼前,而我師兄話:「好似係搵你…」就消失左!我個時都以為係佢地既工作人員je,無事既!就算係聽到呀,佢地都唔識廣東話啦!老娘怕什麼!就係我重拾信心既時候,佢行到小妹既面前,而小妹視線高度係望住佢既腰部…

佢:「你好呀!我叫Kris呀!我點稱呼你呀?^_^」邊講邊伸出友誼之手待握。

我:「@[email protected]?!」我完全唔識反應!點解佢係講廣東話!!

點解!!但工作人員je,冷靜!冷靜!「下?我…我叫aki呀…你好..」再握一握手。

KRIS:「你好你好!我係EXO-M既隊長,其實係咁既,我地有分到EXO-K同EXO-M,即係韓國地區同中國地區,而我就係M既隊長,如果你有咩想要幫手或翻譯,都可以搵我架!」

我:「@[email protected][email protected]@!!!???」

當下心諗我會唔會太好彩!識廣東話既韓國藝人咁都比我遇到,個天係咪玩我!而對EXO既基本了解係由佢講我知,我都好感謝佢!但我成個腦真係打哂交…好直接問佢…

我:「(長期O 嘴狀)你識廣東話既?仲要係好正[email protected]@」

KRIS:「哦~係呀~我係加拿大籍廣東人黎既,當然識廣東話啦!所以你有咩要幫手翻譯比成員知,都可以搵我架!」

我:「@[email protected]好呀好呀!真係唔該哂你呀!嘩…你廣東話咁勁,咁其他成員咪都識囉?」以防萬一,打探下先嘛!同時目測佢身高,真係190咁上下!

KRIS:「唔係~~得我識架ja,而其餘有3名係中國籍既成員黎既~」

我:「@[email protected]…哦~明白哂啦…」

而我仲深陷係個打擊到久久都未出反黎,同KRIS傾完後,師兄又突然出現係我耳邊講:「你先前又話佢地唔識廣東話既[email protected][email protected]」,我完全係唔識回應,鬼知咩!T^T

而成員們都陸陸續續到齊,成間廠都充滿住佢地淡淡既香水味,個刻真係覺得好幸福^_^花花mode又啟動!終於見到真係男仔既男仔!而唔係麻甩仔=_=…而佢地都非常活潑好動,一入到黎打完招呼後就四散唔同角落,有3位成員係我面前不停拍個佈景板,我一路望住佢地,點知佢地越拍越起勁,個板係咁搖!我嚇到大叫:「DON’T [email protected]@”」

其中既共犯燦烈即刻舉高雙手,加埋無辜眼神講:「SORRY!SORRY!」,跟住佢地就互相對望起哄大叫:「WOW~~~~~」,個下我都忍唔住笑左!因為佢地真係童心未泯,個個都係大男孩,可惜個時我韓文一般,希望佢地唔會覺得我惡啦XD..

到真係埋位,我望一望個場,完全唔知佢地去哂邊到探險,但KRIS真係仍然留守係到,果然好有隊長風範,當然SUHO同經理人都係到啦!我即刻搵KRIS求救,佢二話不說就拉埋SUHO出去捉哂佢地反黎!個經理人都幫忙叫:「阿仔們啊!集合!」,好快,全部就齊齊企哂係到,一字排開!我地全廠人都嘆為觀止,好似睇緊軍訓咁款!

之後,其中有個工作人員姐姐真係好好,佢靜雞雞同我講:「你要唔要影相呀?問左經理人大哥架啦,佢OK呀!快啲去啦!佢地化妝後表演前最靚仔架喇!」我個下都好驚喜,因為好小可架嘛!我以為係同其中一個,咁我行去諗住問經理人係同邊個既時候,我對住佢微笑想問,佢就回我一個微笑就示意我行入去。我望住佢,佢再次示意兼大叫:「阿仔們啊~影相!」EXO就一齊回應:「係~」再自動調整位置,韓國藝人訓練堅唔講得小…

我行入去既時候,正當我想用韓文問我企邊既時侯,個我字都未講完,鹿晗就一句普通話飛埋黎:「你站這裡就可以了~謝謝!^_^」,佢同KAI都已留左中間位置比我,但佢把聲真係好甜,我又聽到呆一呆@[email protected],而佢地本身係一字排開,但發覺唔靚,就提議話「邊個覺得自己高既就蹲前面!」點知成大半都衝前蹲底!全廠人都忍唔住一齊笑!果然男仔都好在意高度,當然佢地最後自己傾掂數啦~但佢地最矮既都高我成個頭,「哈比族人」非浪得虛名=_=

雖然凌晨時份,但佢地不停地跳舞都無講過攰字,而佢地對於「拍攝」呢樣野十分了解,唔使我地講,綵排時佢地每到自己主唱部分都會自動舉手話比我地知,等我地知道點拍!所以拍得都好順利!不過呢次初見面真係好深刻…全日都係O嘴表情渡過。*PS: KRIS件開領衫,我堅持唔提佢走光,為廣大觀眾們謀幅利XD

圖上: PS.第一次黎HK開CONCERT時,好認真綵排既KAI(係台上坐底左既人兄)

Aki C

大家好!我叫Aki呀!雖然個名好日本,但我都係偽韓人一名,只要係關韓國既野,不論KPOP、韓劇、韓食、韓景點乜乜乜….都關我事架!而我係到都會分享下我同韓星合作過既所見所聞,當然唔少得去韓國玩既趣事啦!希望大家多多指教呀! FACEBOOK: Aki Sakura