網上電影《5個女孩2個爸》本周五(30日)首映 舞王麥德羅犧牲色相 激凸露底

Mak_ (3)

網上電影《5個女孩2個爸》由天嵩國際娛樂出品、香港耀佳影視製作、深圳昊宇星際影視文化傳播聯合製作及發行、劉麗萍(Apple姐)監製,鍾少棠導演、王維德、麥德羅(Robert)、五位新人女子組合HongKongirls(HKG)主演、胡楓(修哥)、蘇慧恩(Ophelia)、梁婉雯(Emena)客串,將於本周五(30日)假圓方戲院舉行首映。
Mak_ (4)

58歲依然喼得好身材的舞王麥德羅(Robert)為即將上映的網上電影《5個女孩2個爸》犠牲色相踎屎塔兼露上身演床上戲,再激凸露底,在戲中Robert飾演爛滾爛蒲愛溝女,突然有一日發現有5個BB女擺放在屋企門口,原來這5個BB女是他爛滾分別與5個女朋友的親生骨肉,雖然已貴為人父,但依然沒改他夜夜笙歌,溝女溝天光的性格,全靠兩脇插刀兼乸乸地的堂弟幫他湊大及教育5個女兒。
Mak_ (2)

Robert為了演爛滾爛泡,他笑言在戲中不惜犠牲色相,既要激凸露底、裸露上身演溝女床上戲,亦要除褲踎廁所,Robert開心說:「呢場戲好搞笑,我同女朋友蒲天光,帶咗女友返屋企預備想搞嘢時,點知維德同五個女開始起床,仲晨咁早喺大廳開聲練歌,嘈到我同女友搞唔到嘢,搞極都失敗,唯有起身去廁所,屙完後至發覺原來冇廁紙。」

床上戲前有沒有操練胸肌?他哈哈笑說:「其實我每天都有練,每天都跑步,每星期都keep住上健身室,唔係點敢拍。」問他點解唔露股?他笑言:「我怕羞呀!大家仲有興趣睇咩?哈哈!」
Mak_ (7)

而維德在戲中幫BB餵奶及換尿片看來頭頭是道,維德卻自爆:「我未湊過BB,其實換片同餵奶都好狼狽,一個BB哭時,其餘四個B跟住哭, 拍完呢場戲,真係知道原來做父母完全唔容易。」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。