香香濕身 Jeana攀爬 欣宜生日墮急流喊晒:唔想死呀

14466201_10157557678575381_769443355_o

下月13日在港、澳、大馬同步上畫之動作喜劇《辣警霸王花》,六位新一代女霸王岑麗香 (香香)、何佩瑜 (Jeana)、鄭欣宜 (Joyce)、崔碧珈、何佩珉及李元玲於片中打到七彩,追賊、槍戰、拳腳車輪戰冇停過,但當中最危險一幕,一定係一眾女演員在馬來西亞拍攝跌落急流的鏡頭,仲要個個親身上陣,拼搏精神抵讚。

14446377_10157557679635381_1765376577_o
香香同Jeana在《辣》片的角色極好揪,Joyce飾演的慳妹霸王花就心地善良但輪盡,片中有場戲講述她們這六朵博派之花與另一組狂派霸王花進行野外定向,中途Joyce不慎跌落急流幾乎浸瓜,其他隊友見狀隨即跳落河搶救。雖則劇組做足準備功夫及安全措施,但急流危機四伏,幾位女演員對跳河非常恐慌,不過最後仍堅持親自拍攝,就連嬌滴滴的香香亦咬實牙關亡命一跳,之後她們還要在急流拍攝水中掙扎,全部變晒落湯雞不特止,原來Joyce更曾經為這場戲喊晒。

14393865_10157557675685381_637295880_o
Joyce說:「我記得嗰日仲係我生日正日,我個角色好輪盡,跌落急流嗰場戲係最驚,臨跳嗰下我喊咗,我未結婚又未生仔,好多嘢未做,唔想死呀!其實導演同監製好好,有預備替身俾我,點知個替身好細粒,我高佢半個頭、大佢兩個碼,我就覺得我冇理由咁樣去呃人,因為呢個替身係冇可能似我,唯有自己跳。因為呢啲鏡頭係一take,我記得跳嘅時候,我就同自己講,既然自己跳,死都要擰轉身,等個臉口對住camera,咁先證明到真係我跳。」

14423769_10157557678730381_1874177252_o
除了這場急流戲外,另一場又要Jeana、Joyce、香香等一齊在森林探險玩skytrex adventure(空中跋涉),她們要爬樹攀石又越空中繩網及空中吊索,總括一個字:驚。唯獨Jeana例外,她說:「我鍾意刺激,而家想挑戰跳傘添,所以畏高或者落水對我係冇問題,但拍呢套戲嘅時候每日唔夠瞓加埋體力透支,係攰到返親酒店唔使三分鐘就瞓著。嗰時我哋要喺香港接受三個月訓練,去到大馬又要練體能,每日外傷又內傷,外傷係撞瘀,內傷就係韌帶同骨頭。」

14424225_10157557679445381_1407058494_o