柳妍熙Shay祝大家中秋節快樂

IMG_ (8)

早前Shay為新歌《一點都不痛》,一口氣連續跑了三個月宣傳,又去了古巴拍新碟封面及寫真集,與及到巴黎影靚相,早前一直忙於在內地做宣傳,經理人公司星曜娛樂為獎勵她幾個月馬不停蹄工作,批准放四日假期,給她返四川家鄉與家人朋友共度中秋團圓。

IMG_ (7)

抵埗後,她第一時間重返四川省地訓練基地,探望當年她做國家短跑運動員時的師姐、師兄及教練,還有當年幫她醫治腳傷的隊醫,她說:「嚟咗香港發展之後,都太忙,幾年沒有回去探望大家,大家說成日喺報章、網上、電視傳媒見到我,不停問我幾時返去探他們,他們都等了好耐,大家知道我會返去時,已收到幾十個約會,好多謝公司畀我機會喺中秋跟家人、師姐、師兄、教練、隊醫團圓。」

IMG_ (6)

大家見面時,有冇感動到哭(Shay非常眼淺)?她哈哈笑:「梗係有啦!真係好感動,幾年沒見,大家都已成家立室,仲帶埋小朋友出嚟見面,尤其是探望當年醫我的隊醫,真係忍唔住的感動,當年受傷、醫治過程,隊醫的鼓勵說話之畫面,一幕一幕出現晒,真係好懷念,我哋仲出番去運動場跑咗一陣,懷緬下。」

她表示這幾年自己也有很大變化,完全估不到會變成歌手,結束中秋假之後,她會返到香港繼續為新歌做巡迴宣傳。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。