柳妍熙出席上海時裝活動 遺憾缺席設計師李薇時裝騷 (附圖輯)

IMG_ (7)

歌手柳妍熙Shay繼月前出席完巴黎時裝周後,早前再應邀出席上海時裝周,共逗留了三天,更被國內五位著名的時裝設計師邀請欣賞其品牌,包括「ARETE」、「HAIZHENQANG」、「W BY WENJUN」、「CJ YAO」2015年春夏季時裝發佈騷,Shay表示:「今次本來仲要出席著名設計師李薇嘅時裝騷,但因為飛機Delay咗好耐,活動開始時,我仲喺天空上面,被迫缺席,覺得非常唔好意思,亦都十分遺憾未能體會她為我精心安排的一切。好在之後我都着番李薇設計嘅行show款出席其他騷補數,令到我內疚的心好過d。」

IMG_ (6)

雖然今次上海時裝周只逗留三天,工作排到密密麻麻,但愛吃美食的Shay仍抽空四處品嚐上海道地美食,她回味地數着說:「食咗小籠包、大閘蟹、還有熱辣辣生煎包,以及最愛嘅川菜,仲食埋麻辣小龍蝦,哈哈,上次喺上海食麻辣小龍蝦淥傷腳,今次再食報仇!」

IMG_ (1)

問到上次淥傷腳可有留疤痕?她感謝說:「好彩沒有!完全冇疤痕,真係好好彩,要多謝上次淥傷腳第一時間送我去醫院嘅好朋友們,如果唔係他們送我入嗰間上海治療燙燒傷好有名嘅醫院,都唔知結果會點, 嗰間醫院嘅醫生醫術同埋燙傷藥真係好厲害,而家完全冇淥傷過痕跡,我已經留起呢間醫院資料,以備朋友們不時之需。同時shay亦再次提醒大家無論咩時候都要注意安全,預防造成不必要的意外」。

IMG_ (4)

IMG_ (5)

 

 

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。