龍小菌未夠胆參加《我是歌手》


龍小菌到茜利妹《謎米》節目《娛樂後援會》受訪,說到2014年大計:「我依然會雙線發展,歌唱補習同步,更會開多條『慈善line』,免費同南亞裔學生補習。」

茜利妹問:「你觀眾緣尚算不俗,但係你驚唔驚因為你緋聞男友經理人邵子風嘅作風、言論偏激而『連累』你呢?話晒你倆關係唇齒相依。」

龍小菌回應:「吓?又冇諗噃,不過佢絕對係一個稱職嘅經理人,至於佢個人處事態度都有其自由,粉絲都分得好清我倆角色獨立,我唔擔心。」

被問到有否胆量參加《我是歌手》此類競爭性強烈的歌唱比賽,她謂:「我真係唔夠胆呀現階段!起碼要練多一兩年先夠胆諗,所以好佩服阿G.E.M,年紀輕輕好有台型!大家見到佢好似一兩日就爆紅,其實背後下咗好多時間好多功夫,絕非朝夕之事!」

茜利妹提議小菌:「其實你經理人邵子風可以向阿G.E.M經理人張丹偷師,聞說佢為咗幫阿G.E.M打入大陸,出錢出力請《我是歌手》監製來港睇G.E.M演出,先引發呢場『勝戰』,所以阿Dean(邵子風)學吓有著數啊!」

龍小菌表示:「力佢都仲有,但係錢就唔夠喇!」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。